News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

सशस्त्र चुनाव वहिष्कारको नीति नभए पछि धर्मेन्द्र बास्तोला रिहा

दाङ, २९ बैशाख । नेपाल कम्युनिष्ट पार्टी (बहुमत)का संयोजक धर्मेन्द्र बास्तोला ‘कञ्चन’ पक्राउ परेको ६ घण्टापछि रिहा भएका छन् । सशस्त्र चुनाव बहिष्कारको नीति नभएको भन्दै हेमन्त प्रकाश ओली ‘सुदर्शन’ले केन्द्रीय कार्यालयका तर्फबाट विज्ञप्ति जारी गरेपछि प्रहरीले छाडेको हो ।

इलाका प्रहरी कार्यालय भालुवाङले आज विहान ४ बजे पोखराबाट नेपालगञ्ज जाँदै गरेका नेता बाँस्तोलाको टोलीलाई दाङबाट पक्राउ गरेका थियो । नेता बास्तोलासहित उनका सहयोगीहरु राजेन्द्र साउद र अचल मोक्तान पनि पक्राउ परेका थिए । नेता बास्तोलाले आफ्नो पार्टीले सशस्त्र चुनाव बहिष्कारको कुनै पनि नीति नलिएको सोधपुछका क्रममा बताएका थिए ।

पोखराबाट नेपालगञ्ज जाँदै गरेका बास्तोलालाई बिहीबार बिहान ४ बजे भालुबाङ प्रहरीले नियन्त्रणमा लिएको थियो । बास्तोलालाई बुटवलमा भएको बम विस्फोटको घटनामा नेकपा बहुमत पार्टीको संलग्नताको आशंकामा सोधपुछका लागि नियन्त्रणमा लिएको थियो । बास्तोला सहित उनका सहयोगीहरू राजेन्द्र साउद र अचल मोक्तानलाई ६ घण्टा निगरानीमा राखेर बुटवलमा भएको बम विस्फोटमा संलग्नता नदेखिएको र निर्वाचन बहिष्कारको नीति नभएको खुलेपछि रिहा गरिएको इप्रका भालुबाङका प्रहरी निरीक्षक सुजन बिक्रम शाहले जानकारी दिए ।

प्रतिक्रिया