जनकपुरधाम, १५ चैत । १५ वर्षीय एक बालकले चलाएको मोटरसाईकल दुर्घटना हुँदा मोटरसाइकलमा सवार चार बालकको मृत्यु भएको छ । धनुषाको सबैला नगरपालिका वडा नं.१२ रघुनाथपुरमा हिजो राति सवा ८ बजे ज ६ प ६७३९ नम्बरको मोटरसाईकल दुर्घटनाग्रस्त भएको थियो ।

मोटरसाइकल चालक १५ वर्षीय राहुल यादवसहित १२ वर्षीय लक्ष्मी यादव, सुमित यादव र बौका यादवको मृत्यु भएको हो । जसमध्ये १९ वर्षीय सुरेन्द्र यादवको अवस्था गम्भिर छ । उनको जनकपुरस्थित प्रादेशिक अस्पतालमा उपचार भइरहेको छ । उनीहरु सबैको घर सबैला वडा नं. २ मा पर्दछ ।

जिल्ला प्रहरी कार्यालय धनुषाका डिएसपी जितेन्द्र बस्नेतका अनुसार घटनास्थलमा प्रहरी पुग्दा पाँचजना गम्भीर घाइते अवस्थामा भेटिएका थिए । प्रहरीले तत्कालै घाईतेहरुलाई प्रदेशिक अस्पताल पु¥याइएकोमा चार बालकलाई चिकित्सकले मृत घोषणा गरेको हो । ‘घटना कसरी भयो, मोटरसाइकल ठोकिएको हो वा कुनै सवारी साधनले ठक्कर दिएर फरार भएको हो भन्ने खुलेको छैन,’ डिएसपी बस्नेतले भने, ‘हामी अनुसन्धान गरिरहेका छौँ ।’