बारा, १२ चैत । ठगी गरेको आरोपमा प्रहरीले नेकपा एमालेका स्थानीय नेता तथा वडाध्यक्ष सुरेन्द्रप्रसाद जैसवाललाई शुक्रबार पक्राउ गरेको छ । बारा प्रहरीले कलैया उपमहानगरपालिका– १४ का वडाध्यक्ष सुरेन्द्रप्रसाद जयसवाललाई ठगीको आरोपमा पक्राउ गरी जिल्ला अदालतबाट पाँच दिनको म्याद थपि थुनामा राखेर अनुसन्धान शुरु गरिएको छ ।

वडाध्यक्ष जैसवालमाथि तीनवटा छुट्टाछुट्टै बैंकिङ कसुर मुद्दा परेको छ । वडाध्यक्ष जैसवालले जनही २०, १० र आठ लाख गरी ३८ लाख ठगी गरेको उजुरी परेपछि वडाध्यक्षलाई कलैया बजारबाट पक्राउ गरिएको प्रहरी प्रवक्ता राजेश थापाले जानकारी दिएका छन् ।

जयसवाल ०७४ सालको स्थानीय निर्वाचनमा नेकपा (एमाले)का तर्फबाट वडाध्यक्षमा निर्वाचित भएका थिए । हाल उनी बारा निर्माण व्यवसायी संघका अध्यक्ष समेत छन् ।