सोलुखुम्बु, ९ चैत । आफ्नै छात्रालाई यौन दुर्व्यवहार गरेको आरोपमा एकजना शिक्षक पक्राउ परेका छन् । नेचासल्यान गाउँपालिका वडा नम्बर २ मा सञ्चालित सल्यान स्टार बोर्डिङ स्कुलका ४९ वर्षीय शिक्षक अमित सुब्बालाई ११ वर्षीया छात्रालाई यौन दुर्व्यवहारको अरोपमा प्रहरीले पक्राउ गरेको छ ।

भारतको पश्चिम बंगाल दार्जिलिङ स्थाई घर भएका शिक्षक सुब्बालाई प्रहरीले पक्राउ गरी अदालतबाट म्याद थप गरी अनुसन्धान अघि बढाएको प्रहरी नायब उपरीक्षक कवित कटवालले जानकारी दिए । ती शिक्षकले छात्राको संवेदनशील अंगमा जबर्जस्ती हात लगाउने लगायतका यौन दुव्र्यवहार गर्ने गरेको आरोप उजुरीमा लगाईएको छ ।

पीडित बालिकालाई उपचार र स्वास्थ्य परीक्षणका लागि जिल्ला अस्पताल फाप्लुमा राखिएको जिल्ला प्रहरी प्रमुख कटवालले बताए । आरोपित शिक्षकलाई प्रहरीले बाल यौन दुर्व्यवहारको मुद्दा चलाउने तयारी प्रहरीले गरेको छ ।