पोखरा । पोखराका उद्योगी, व्यवसायी तथा नेता सुर्यबहादुर केसीको हिजो राती निधन भएको छ । ६३ वर्षीय केसीको पोखरा–७, मुस्ताङचोकस्थित आफ्नै घरमा निधन भएको हो । नेपाली काँग्रेसका केन्द्रीय आमन्त्रित सदस्य रहेका केसीको हिजो राती १० बजेर ४५ मिनेट जाँदा निधन भएको नेपाली काँग्रेस कास्कीका प्रवक्ता नवीन सिग्देलले जानकारी दिए ।

मृगौंला प्रत्यारोपण गरिएका केसी हिजो अचानक विरामी परेपछि उपचारका लागि नजिकै रहेको चरक मेमोरियल अस्पताल लैजादैँ गर्दा निधन भएको प्रवक्ता सिग्देलले बताए । तत्कालिन पोखरा नगरपञ्चायतका प्रधानपञ्च भएका उद्योगी केसीले वित्तिय संस्थादेखि हाईड्रोपावर र चाउचाउ उद्योग सञ्चालन गर्दै आईरहेका थिए ।

नेपाली काँग्रेस कास्कीका प्रवक्ता सिग्देलले केसीको निधनले गण्डकी प्रदेशलाई मात्र नभई सिङ्गो राष्ट्रलाई नै अपुरणीय क्षति पुगेको बताए । सामाजिक व्यक्तित्व केसीले विभिन्न कालखण्डमा पु¥याएको योगदान र भूमिकाको उच्च मूल्यांकन गर्दै शोकसन्तप्त परिवारजनप्रति समवेदना र केसीको आत्माको चिरशान्तिको कामना गरे । प्रवक्ता सिग्देलले आज विहान ९ः३० बजे शान्तिघाटमा श्रद्धाञ्जली एवम् अन्त्येष्टिको कार्यक्रम रहेको पनि जानकारी दिए ।

राष्ट्रिय प्रजातन्त्र पार्टीका केन्द्रीय कोषाध्यक्ष रहेका उनी पहिलो संविधानसभामा राप्रपा कैं तर्फबाट सभासद् बनेका थिए । पछिल्लो समय नेपाली काँग्रेस प्रवेश गरेका उनी समानुपातिक तर्फबाट संघीय सांसद बनेका हुन् । स्वर्गीय केसीका श्रीमती, तीनछोरा अनि बुहारी र ६ जना नातिनातिनाहरु छन् ।