News Portal

ताजा शिर्षकहरु

चर्चित शिर्षकहरु

प्रमुख समाचार समाचार स्वास्थ्य

गण्डकी प्रदेशमा एकसय ८८ जना नयाँ कोरोना संक्रमित थपिए

पोखरा । गण्डकी प्रदेशमा आज विहान मात्र एकसय ८८ जना कोरोना संक्रमितहरु थपिएका छन् । स्वास्थ्य निर्देशनालय गण्डकी प्रदेश पोखराको बिहान ८ः०० बजेको अध्यावधिक विवरण अनुसार गण्डकी प्रदेशमा कोरोना संक्रमितको संख्या ७५०४ पुगेको छ । चितवन मेडिकल कलेज, चितवन गरिएको परिक्षणमा गण्डकी प्रदेशमा नयाँ २५ जना संक्रमितहरु थपिएका हुन् । उनीहरुको चितवन मेडिकल कलेज, चितवनको फिभर क्लिनिकबाट पहिचान भएको हो ।

त्यसैगरी विहान ७ः४५ बजे अध्यावधिक गरिएको विवरण अनुसार गण्डकी प्रदेशमा थप नयाँ ५२ जना संक्रमितहरु थपिएका हुन् । क्षयरोग उपचार केन्द्र पोखरामा गरिएको परीक्षणमा कन्ट्रयाक्ट ट्रेसिङबाट ती संक्रमितहरुको पहिचान भएको हो ।

त्यसैगरी विहान ७ः३० बजेको अध्यावधिक विवरण अनुसार लाईफ केयर एण्ड डायग्नोस्टिक प्रा.लि. पोखरामा गरिएको परीक्षणका क्रममा ४९ जना संक्रमितहरु थपिएका छन् । पोखराका विभिन्न अस्पतालहरुबाट कोरोना संक्रमण परीक्षणका लागि त्यहाँ नमूना पठाईएको थियो ।

त्यसैगरी विहान ७ः१५ बजे अध्यावधिक गरिएको विवरण अनुसार पोखरा स्वास्थ्य विज्ञान प्रतिष्ठान, पोखरामा गरिएको परीक्षणमा थप नयाँ ३२ जना मा कोरोना संक्रमण देखिएको हो । पोखरा स्वास्थ्य विज्ञान प्रतिष्ठानको फिभर क्लिनिकबाट ती संक्रमितहरुको पहिचान भएको हो । आजमात्र देखिएका सम्पूर्ण संक्रमितहरुको आईसोलेसनको व्यवस्थापन गर्ने तयारी भईरहेको स्वास्थ्य निर्देशनालय पोखराले जानकारी दिएको छ ।

त्यसैगरी विहान ७ः०० बजे अध्यावधिक गरिएको विवरण अनुसार क्षयरोग उपचार केन्द्र, पोखरामा गरिएको परीक्षणका क्रममा थप नयाँ ३० जना कोरोना संक्रमितहरुको पुष्टि भएको हो । उनीहरु सबै कन्ट्रयाक्ट ट्रेसिङबाट पहिचान भएका हुन् ।

प्रतिक्रिया