पोखरा । गण्डकी कोरोनाको संक्रमणका कारण तीनजनाको मृत्यु भएको छ । नवलपरासी, कावासोती–६ का ६७ वर्षीय पुरुष र सोही जिल्ला गैडाकोट–२ का ७७ वर्षीय महिलाको होम आईसोलेशनमा हिजो दुःखद निधन भएको हो । त्यसैगरी पोखरा महानगरपालिका वडा नं. ९ का ६२ वर्षीय महिला पोखरा स्वास्थ्य विज्ञान प्रतिष्ठान, पोखरामा उपचारका क्रममा निधन भएहो हो । कोरोना संक्रमणको कारण यस प्रदेशमा मृत्यु हुनेका संख्या ७८ पुगेको छ ।

अध्यावधिक विवरण अनुसार गण्डकी प्रदेशमा नयाँ ३२ जना संक्रमितहरु थपिएका छन् । यस प्रदेशमा कोरोना संक्रमितको संख्या सातहजार तीनसय ७८ पुगेको छ । पोखरा स्वास्थ्य विज्ञान प्रतिष्ठान, पोखराको फिभर क्लिनिकबाट पहिचान भएको हो । सबै संक्रमितहरूलाई आइसोलेसनमा व्यवस्थापन गर्ने तयारी भईरहेको स्वास्थ्य निर्देशनालय गण्डकी प्रदेशले जानकारी दिएको छ ।

होम आईसोलेसनमा रहने गरी डिस्चार्जः
पोखरा स्वास्थ्य विज्ञान प्रतिष्ठान अन्तर्गत कोभिड–१९ उपचार केन्द्रमा उपचाररत १३ जना कोरोना संक्रमितहरुलाई होम आईसोलेसनमा रहने गरी डिस्चार्ज गरिएको निर्देशक सह.प्रा.डा.अर्जुन आचार्यले जानकारी दिएका छन् ।

यसरी डिस्चार्ज हुनेहरुमा व्यास–३, तनहुँका ४० वर्षीय पुरुष, पोखरा–१०, कास्कीका ५८ वर्षीय पुरुष, वेसीशहर–८, लमजुङका ५५ वर्षीय पुरुष, पोखरा–३, कास्कीका ६० वर्षीय पुरुष, पोखरा–१, कास्कीका ३३ वर्षीय पुरुष, बडिगाड–९ बागलुङका ४४ वर्षीय पुरुष, पोखरा–१५, कास्कीका ७८ वर्षीय पुरुष, पोखरा–१०, कास्कीका ३५ वर्षीय पुरुष, ब्यास–३, तनहुँका ४८ वर्षीय पुरुष, पोखरा–२ कास्कीका ३७ वर्षीय महिला, भिरकोट–७, स्याङ्जाका १९ वर्षीय महिला, सिरानचोक–२, गोरखाका २४ वर्षीय महिला र पोखरा–२ कास्कीका ४४ वर्षीय पुरुष रहेका छन् ।