काठमाडौँ । नेपाल बार एसोसिएशनले आज पनि सर्वोच्च अदालतको गेटमा धर्ना सुरु गरेको छ ।

प्रधानन्यायाधीश चोलेन्द्र शम्शेर जबराविरुद्धको आन्दोलनलाई थप कडा पारेको बारले आज बिहानै १० बजे अदालत परिसरमा खटिएका सुरक्षाकर्मीलाई धकेल्दै सर्वोच्चको मुख्य गेटमा पुगेर धर्ना थालेको हो ।

यसअघि शुक्रबार प्रधानन्यायाधीश जबरा वैकल्पिक गेटबाट भित्र प्रवेश गरेपछि बारले आज सर्वोच्चका दुवै ढोकामा धर्ना दिएका छन् । प्रधानन्यायाधीश जबराको राजीनामा मागेर उनीहरुले आन्दोलन जारी राखेका छन् ।