पोखरा । गण्डकी प्रदेशमा कोरोना संक्रमणका कारण दुईजनाको मृत्यु भएको छ । ती मध्ये एकजनाको उपचारका क्रममा र अर्को व्यक्तिको घरमा नै मृत्यु भएको हो । पोखरा स्वास्थ्य विज्ञान, प्रतिष्ठान पश्चिमाञ्चल क्षेत्रीय अस्पताल पोखरामा आज विहान उपचारका क्रममा कार्तिक ९ गते कोभिड–१९ संक्रमण भई आईसियुमा भर्ना भएकोमा स्याङ्जा, वालिङ नगरपालिका वडा नं. ५ का ७० वर्षीय महिलाको मृत्यु भएको पोखरा स्वास्थ्य विज्ञान प्रतिष्ठान, पश्चिमाञ्चल क्षेत्रीय अस्पतालका निर्देशक सह.प्रा.डा. अर्जुन आचार्यले जानकारी दिएका छन् । यसरी प्रतिष्ठानमा उपचारका क्रममा मृत्यु हुनेको संख्या २२ पुगेको छ ।

७० वर्षीय ती महिलालाई कोभिड–१९, निमोनिया, मेगालोवास्टिक एनेमिया र पोस्ट ट्युबरक्लोसिस (टिवी) स्टाटस लगायतका समस्याहरु देखिएको निर्देशक सह.प्रा.डा.आचार्यले जारी गरेको विज्ञप्तिमा उल्लेख छ । प्रतिष्ठानले मृत्यु हुने व्यक्तिप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनमा समवेदना व्यक्त गरेको छ । त्यसैगरी, पोखरा महानगरपालिका वडा नं. १५ का ८१ वर्षीय पुरुषको होम आईसोलेसन कैं क्रममा आज निधन भएको हो । उनलाई कार्तिक १२ गते कोरोना संक्रमणको पुष्टि भएको थियो । गण्डकी प्रदेशमा भने मृत्यु हुनेको संख्या ७५ पुगेको छ ।

आजमात्र पोखरा महानगरपालिकामा ६० जनासहित गण्डकी प्रदेशका विभिन्न जिल्लामा ९८ जनामा कोरोना संक्रमण पुष्टि भएको छ । गण्डकी प्रदेश स्वास्थ्य निर्देशनालयका अनुसार आज बिहान कास्कीको पोखरा महानगरपालिका, तनहुँ, स्याङ्जा, पर्वत, लमजुङ, गोरखा र नवलपुर जिल्लामा गरी ९८ जनामा कोरोना संक्रमण पुष्टि भएको हो ।

पोखरा महानगरमा संक्रमित हुनेमा वडा नं १ का एक पुरुष, ३ का दुई पुरुष, ४ का दुई पुरुष तथा तीन महिला, ५ की एक महिला, ६ का एक पुरुष, ७ का एक पुरुष तथा तीन महिला, ८ का दुई पुरुष तथा एक महिला र ९ का एक पुरुष तथा दुई महिला छन् । त्यस्तै १० की एक महिला, ११ का एक पुरुष, १२ की एक महिला, १५ का तीन पुरुष, १६ का तीन पुरुष, १७ का दुई पुरुष तथा दुईृ महिला, १८ का दुई पुरुष, २५ का एक पुरुष, २६ की एक महिला, २७ की एक महिला तथा वडा नखुलेका १४ पुरुष तथा ६ महिला रहेका छन् ।

त्यसैगरी स्याङ्जाका पालिका नखुलेका १ पुरुष तथा दुई महिला, तनहुँका पालिका नखुलेका दुई पुरुष तथा एक महिला, व्यास १ का एक पुरुष, ३ का १ पुरुष तथा एक महिला, ४ का एक पुरुष तथा एक महिला, पर्वतका पालिका नखुलेका एक पुरुष लमजुङ राइनास १ का एक पुरुष, सुन्दरबजारका वडा नखुलेका एक पुरुष, गोरखा सिरानचोक ४ का एक पुरुष र पालुङटार ८ का एक पुरुष, ३ का एक पुरुष तथा एक महिला, ४ का एक पुरुष तथा एक महिला छन् ।
त्यस्तै नवलपुर कावासोती १ का एक पुरुष, ३ का एक पुरुष, ५ का एक पुरुष, ८ का दुई पुरुष तथा एक महिला, ११ की एक महिला, १२ का एक पुरुष, १४ की एक महिला, १७ का एक पुरुष, गैँडाकोट २ का चार पुरुष तथा १ महिला, ४ का एक पुरुष, ८ की एक महिला, १७ की एक महिला, मध्यविन्दु ६ का दुई पुरुष, ७ की एक महिला र विनयत्रिवेणी ४ का एक पुरुषमा कोरोना पुष्टि भएको छ । गण्डकी प्रदेशमा कोरोना सङ्क्रमित हुनेको सङ्ख्या ७ हजार एकसय ४५ पुगेको छ ।