काठमाडौं । नवनियुक्त मन्त्रीहरूले पद तथा गोपनियताको शपथ र पदभार ग्रहण गरेका छन् । प्रधानमन्त्री केपी शर्मा ओलीले शुक्रबार साँझ मन्त्रिपरिषद् पुनर्गठन गरेका हुन् । आज पुनर्गठित मन्त्रीमण्डलमा १७ जना मन्त्री बनेका छन् ।

नवनियुक्त मन्त्रीहरुलाई आजै राष्ट्रपति विद्यादेवी भण्डारीले शपथ गराएकी हुन् । जनता समाजवादी पार्टी (जसपा)का अध्यक्ष महन्थ ठाकुर र नेता राजेन्द्र महतो पक्षबाट ८ जना मन्त्री र दुईजना राज्यमन्त्री बनेका छन् । त्यसै ओलीले पुराना ४ मन्त्रीलाई राख्दै अरुलाई विदाई गरेका छन् ।

जसपाका नेता महतो उपप्रधानसहित सहरी विकास मन्त्री बनेका छन् । महतोलाई उपप्रधानमन्त्री बनाएसँगै सामाजिक सञ्जालहरुमा प्रधानमन्त्री ओलीको नक्कली राष्ट्रवाद उदाङ्गो भएका भनाईहरु सार्वजनिक भएका छन् । उपप्रधानमन्त्री महतोको नेपाली नागरिकता र यहाँ नेपालमा बसेका उनका बाबु, हजुरबुबा वा पुर्खाको विषयमा सोधिएको प्रश्नमा महतोले जवाफ दिन सकेका थिएनन् ।

प्रधानमन्त्री ओलीले नवगठित मन्त्रीमण्डलमा विष्णु पौडेल, कृष्ण गोपाल श्रेष्ठ, वसन्त कुमार नेम्वाङ र लिलानाथ श्रेष्ठलाई दोहोरिएका छन् । अर्थमन्त्री रहेका विष्णु पौडले अहिले उपप्रधानमन्त्री बनेका छन् । रक्षा, गृह,सञ्चार, पर्यटन, कृषि, उद्योग वाणिज्य र सामान्य प्रशासन भने प्रधानमन्त्री ओली स्वयंले राखेका छन् ।

त्यस्तै जसपाका नेता महतो आएपछि आफ्नो पार्टीलाई बलियो बनाउन भन्दै प्रधानमन्त्री ओलीले रघुवीर महासेठलाई पनि उपप्रधानमन्त्रीको जिम्मेवारी दिएका छन् । यससँगै ओली नेतृत्वको सरकारमा तीन उपप्रधानमन्त्री भएका छन् । त्यस्तै पूर्व कानुनमन्त्री शेरबहादुर तामाङले स्वास्थ्य मन्त्रालयको जिम्मेवारी पाएका छन् ।

जसपाको तर्फबाट शरत सिहं भण्डारी उर्जा, अनिल झा खानेपानी, बिमल श्रीवास्तव- श्रम, उमाशंकर अरगरिया वन, लक्ष्मण लाल कर्ण भुमिसुधार, चन्दा चौधरी महिला, एकबाल मियाँ युवार चन्द्रकान्त चौधरीले उर्जा राज्यमन्त्री र रेणुका गुरुङले महिला राज्यमन्त्रीको सपथ लिएका हुन् ।