काठमाडौं । सत्तारुढ दलका अध्यक्ष एवम् प्रधानमन्त्री खड्गप्रसाद ओलीलाई कारवाही गरिएको विषयमा नेकपाका नेता लीलामणि पोखरेलले आज दिउँसो निर्वाचन आयोगमा जानकारी गराएका छन् । प्रचण्ड र नेपाल समूहले सो जानकारी निर्वाचन आयोगमा गराएको हो ।

प्रधानमन्त्री ओलीको सिफारिसमा राष्ट्रपति विद्यादेवी भण्डारीले हिजो नै संसद विघटन गरेपछि तत्कालै नेकपाको स्थायी कमिटीको बैठक बसेर ओलीलाई अनुशासनको कारवाही सिफारिस गरेको थियो । स्थायी कमिटीमा बहुमत सदस्यको उपस्थितिमा पार्टीका अध्यक्ष एवम् प्रधानमन्त्री ओलीलाई कारवाही गर्ने विषयमा भएको निर्णयको छायाँकपी नेता पोखरेलले आयोगमा बुझाएका हुन् ।