काठमाडौँ । सत्तारुढ नेकपाका अध्यक्ष एवम् प्रधानमन्त्री खड्गप्रसाद ओलीलाई अनुशासनको कारवाही गर्ने निर्णय स्थायी कमिटी बैठकले गरेको छ । उक्त बैठकले संसद विघटनको पनि भत्र्सना गरेको छ ।

बैठकले सरकारको सिफारिस राष्ट्रपतिले स्वीकार गर्नु पनि असंवैधानिक भएको निष्कर्ष निकालेको छ । सत्तारुढ नेकपाका प्रवक्ता नारायणकाजी श्रेष्ठले बैठकले सरकारको कदम असंवैधानिक, अलोकतान्त्रिक, स्वच्छाचारी भएको ठहर गर्दै त्यसको भत्र्सना गरेको जानकारी दिनुभयो । प्रवक्ता श्रेष्ठले यस विषयमा कानुनी उपचार खोज्ने निर्णय भएको पनि बताउनुभयो ।

आज बसेको बैठकले मंसिर ७ गते केन्द्रीय कमिटी बैठक बस्ने र पूर्वसभामूख कृष्णबहादुर महरालाई स्थायी कमिटीमा मनोनयन गर्ने निर्णयहरु गरेको छ ।