पोखरा, २५ चैत । पोखराको व्यस्त बजार क्षेत्र नजिकै खुकुरी प्रहार गरी एक ४२ वर्षीया महिलाको हत्या भएको छ । पोखरा–५ मालेपाटन घर भएकी सिर्जना पौडेल केसीको आज बुधबार राती ७ बजे हिडेर घर आउँदैं गर्दा खुकुरी प्रहार गरी हत्या गरिएको हो । मालेपाटनमा घर भएपनि उनी खपौंदीस्थित आफ्नै अर्को घरमा बस्दैं आईरहेकी थिईन् ।

सिर्जना केसी (हत्या गरिएकी महिला)

पृथ्वीचोकमा जुत्ता पसल सञ्चालन गर्दै आईरहेकी सिर्जना एकल महिला हुन् । प्रहरीका अनुसार, आज राति ७ बजे पौडेल सभागृहचोकबाट सृजनाचोकतर्फ आउँदै गर्दा शिवालय चोकतर्फ जाने गल्लीको कर्नरमा पुग्दा अज्ञात व्यक्तिले उनमाथि खुकुरी प्रहार गरेको थियो ।

गम्भीर घाइते अवस्थामा उनलाई तत्काल गण्डकी मेडिकल कलेज (जिएमसी) पुर्‍याइएको थियो, जहाँ उपचारका क्रममा उनको मृत्यु भएको अस्पताल स्रोतले जनाएको छ । घटनापछि आक्रमणकारी फरार भएका छन् भने घटनास्थलमा पुगेको प्रहरी टोलीले प्रमाण संकलन र हत्यामा संलग्नहरुको खोजी भइरहेको जनाएको छ ।

-घटनाको विस्तृत विवरण हामी पछि उपलब्ध गराउने छौं ।