पाल्पा, ८ चैत । शनिबार साँझ पाल्पाको माथागढी गाउँपालिका–७ रहबास क्षेत्रमा भएको यो दुर्घटनामा खाली टिप्पर सडकबाट करिब ५० देखि १०० मिटर तल खसेको थियो। दुर्घटनाग्रस्त सवारी लु २ ख ४५२५ नम्बरको टिप्पर झडेवाबाट रहबासतर्फको चुनढुंगा खानी जाँदै गरेको अवस्थामा दुर्घटना भएको जिल्ला प्रहरी कार्यालय पाल्पाले जनाएको छ।

मृत्यु हुनेमा अर्घाखाँचीको सितगंगा नगरपालिका–४ सिद्धाराका २६ वर्षीय चालक चिन्ताबहादुर सुनार, सोही ठाउँका २६ वर्षीय सुनिल विक, रुपन्देहीको देवदह नगरपालिका–२ खैरेनीका २६ वर्षीय सुनिल नेपाली र पाल्पाको तानसेन नगरपालिका–१० पटुवाका ३३ वर्षीय राजन चिदी रहेका छन्।

दुर्घटनामा चालकसहित चारै जना सवार थिए। घटनास्थलमा तीन जनाको मृत्यु भएको थियो भने गम्भीर घाइते राजन चिदीलाई पहिले तानसेनको लुम्बिनी मेडिकल कलेज प्रभासमा पु¥याइएकोमा थप उपचारका लागि भैरहवा मेडिकल कलेज रुपन्देही रिफर गरिएको थियो। उपचारका क्रममा उनको पनि मृत्यु भएको प्रहरी नायब उपरीक्षक होमप्रकाश चौधरीले जानकारी दिएका छन्।