धादिङ, ११ फागुन । धादिङको बेनिघाट रोराङ गाउँपालिका–५ स्थित भैँसीगौडामा आज सोमबार बिहान पोखराबाट काठमाडौंतर्फ आउँदै गरेको यात्रुबाहक बस दुर्घटना हुँदा मृत्यु हुनेको संख्या १९ पुगेको छ भने २५ जना घाइते भएका छन्।

ग २ ख १४२१ नम्बरको बस बिहान करिब १ः२० बजे अनियन्त्रित भई पृथ्वी राजमार्गबाट झण्डै २०० मिटर तल त्रिशूली नदीको किनारमा खसेको बागमती प्रदेश प्रहरी कार्यालय हेटौंडाले जनाएको छ। बसमा १५ महिला र २९ पुरुष गरी कुल ४४ जना यात्रु सवार थिए। दुर्घटनामा ६ महिला र १३ पुरुष गरी १९ जनाको ज्यान गएको छ।

दुर्घटनाको सूचना पाउनासाथ धादिङका प्रमुख जिल्ला अधिकारी विजयराज सुवेदीको नेतृत्वमा सुरक्षा निकायका टोली घटनास्थल पुगेका थिए। जिल्ला प्रहरी कार्यालय धादिङ, इलाका प्रहरी कार्यालय गजुरी र बेनिघाट, सशस्त्र प्रहरी बलको विपद् व्यवस्थापन टोली तथा गोताखोरहरू परिचालन भएका थिए।

भौगोलिक कठिनाइ र नदी किनार भएकाले निजी डुङ्गाको सहायताले घाइतेहरूको उद्धार गरी स्थानीय अस्पतालहरूमा पु¥याइएको थियो। गम्भीर घाइतेहरूलाई थप उपचारका लागि काठमाडौं रिफर गरिएको छ।

मृतकहरूको केही विवरण
केही मृतकहरूको पहिचान खुलेको छ भने धेरैको सनाखत बाँकी छ। पहिचान भएकामध्येः
२३ वर्षीया बेलायती नागरिक डोमिनिका इथान (Stewart Dominic Ethan) 
धादिङ त्रिपुरासुन्दरी गाउँपालिका–४ का इन्जिनियर ठकुरी
तनहुँ शुल्कागण्डकी नगरपालिका–७ की ६० वर्षीया विष्णुमाया ढकाल
स्याङ्जा वालिङ–१४ का ६३ वर्षीय चन्द्र बहादुर कँवर
तनहुँ व्यास नगरपालिकाका ४५ वर्षीय ओमकुमार मल्ल
कास्की पोखरा महानगरपालिका–३० का विवेक बाँस्तोला

अन्य धेरै मृतकहरूको शव जिल्ला अस्पताल धादिङमा राखिएको छ, जसमध्ये अधिकांशको पहिचान हुन बाँकी छ। केहीको उमेर र विशेष चिन्ह (जस्तै ट्याटु) का आधारमा विवरण उपलब्ध छ।

घाइतेहरूको अस्पतालगत विवरण (काठमाडौं रिफर भएका मुख्य)
राष्ट्रिय ट्रमा सेन्टर : अन्य काठमाडौं अस्पतालहरूमा (गम्भीर तथा मध्यम अवस्थाका धेरैजसो यहाँ)

मान बहादुर थापा (४४ वर्ष, तनहुँ) – मध्यम, ट्रमा सेन्टर रिफर
घनश्याम सुवेदी (४०–४५ वर्ष, कास्की) – गम्भीर, ट्रमा सेन्टर
कृष्ण तिवारी (२५ वर्ष, नवलपरासी पूर्व) – गम्भीर, नेशनल हस्पिटल
राजेश कँवर (३३ वर्ष, स्याङ्जा) – गम्भीर, नेशनल हस्पिटल
एन्जी शेर्पा (४८ वर्ष, काठमाडौं) – मध्यम, ट्रमा सेन्टर
विवेक मानन्धर (३० वर्ष, झापा) – मध्यम, ट्रमा सेन्टर
पूजा फुयाल (२८ वर्ष, काठमाडौं) – मध्यम, ट्रमा सेन्टर
सोम प्रसाद मल्ल (४५ वर्ष, तनहुँ) – मध्यम, ट्रमा सेन्टर
नर्बु पाल्डेन (५० वर्ष, काठमाडौं) – गम्भीर, ट्रमा सेन्टर
लिसी आओ (१२ वर्ष, चिनियाँ नागरिक) – मध्यम, ट्रमा सेन्टर

नेशनल मेडिकल कलेज/नेशनल हस्पिटल, कलंकीमा
सुबिन मल्ल (१८ वर्ष, तनहुँ) – मध्यम
डम्बर बहादुर बि.क. (६४ वर्ष, स्याङ्जा) – मध्यम
प्रतिक पौडेल (३५ वर्ष, कास्की) – मध्यम
सोनम गुरुङ (२४ वर्ष, कास्की) – मध्यम
राजेन्द्र बिसुन्खे (२४ वर्ष, धादिङ) – मध्यम
चन्द्र खरेल (३० वर्ष, काठमाडौं) – मध्यम
संगम मल्ल (१९ वर्ष, धादिङ)  -मध्यम, नेशनल मेडिकल कलंकी
प्रमिला भट्टराई बाँस्तोला (३९ वर्ष, कास्की) – मध्यम, नेशनल मेडिकल कलंकी

टिचिङ अस्पताल मलेखु/अन्य
मारी एभाइडे (न्युजिल्याण्डकी) – सामान्य, डिस्चार्ज
सदिक्षा हमाल (१९ वर्ष, तनहुँ) – मध्यम, ट्रमा सेन्टर रिफर
सुकमाया श्रेष्ठ (३८ वर्ष, तनहुँ) – मध्यम
सबिन्द्र सुनार (२६ वर्ष, स्याङ्जा) – मध्यम, ट्रमा सेन्टर रिफर
यो विवरण उपलब्ध समाचार र प्रहरी सूचनामा आधारित छ। केही घाइतेहरूको अवस्था परिवर्तन हुन सक्छ तथा थप विवरण आउन बाँकी छ। उद्धार टोलीले रातको समय र अप्ठ्यारो भूगोलमा पनि तदारुकताका साथ काम गरेको थियो। दुर्घटनाको कारणबारे अनुसन्धान जारी छ।