धादिङ, १० फागुन । धादिङमा पोखराबाट काठमाडौं आउँदै गरेको यात्रु बस दुर्घटनामा परी १७ जनाको मृत्यु भएको छ भने २८ जना घाइते भएका छन्।  आज बिहान करिब १:१५ बजे ग १ ख १४२१ नम्बरको बस धादिङ जिल्लाको बेनिघाट रोराङ गाउँपालिका–५ स्थित भैँसीगौडा क्षेत्रमा पृथ्वी लोकमार्गबाट त्रिशूली नदीमा खसेको थियो।

सशस्त्र प्रहरी बलका प्रवक्ता विष्णुप्रसाद भट्टका अनुसार हालसम्म दुर्घटनास्थलबाट १७ जनाको शव निकालिएको छ। घाइते २८ जनालाई उद्धार गरी विभिन्न अस्पतालमा पुर्‍याइएको छ र उनीहरूको सनाखत (पहिचान) भइसकेको छ। मृतकहरूको सनाखत भने अझै बाँकी छ।
बस दुर्घटनामा परी घाइते भएका २८ जनाको सनाखत :
घटनास्थलमा नेपाली सेना, नेपाल प्रहरी र सशस्त्र प्रहरीको संयुक्त टोलीले उद्धार कार्य सम्पन्न गरेको छ। सशस्त्र प्रहरीको विपद् व्यवस्थापन टोली (गोताखोरसहित) पनि खटिएको थियो। दुर्घटनाको कारण भने अझै खुलेको छैन। बसमा कुल कति यात्रु थिए भन्ने यकिन विवरण प्राप्त भएको छैन ।

दुर्घटना भएको बसमा सवार यात्रुहरुको विवरण :