पोखरा, ३० भदौ । “राष्ट्रिय दैनिक’’को झुटो दाबी गर्दै वर्षौंदेखि विज्ञापनदातालाई ठग्दै आएको समाधान दैनिकले डन न्यूज डटकमको भिडियो चोरेर प्रकाशन गरेको विषयलाई तोडमरोड गरी गलत आरोप लगाउँदै रोदन गरेको छ।

पोखरा–९, नयाँबजारमा रहेको समाधान दैनिकले जेन–जी आन्दोलनको तोडफोड र आगजनीको भिडियो डन न्यूजबाट बिना अनुमति चोरेर आफ्नो फेसबुक पेजमा राखेको छ । नेता विन्दुकुमार थापासँग सम्बन्धित उक्त भिडियो बिना अनुमति चोरेर राखेकोमा डन न्यूजका सम्पादक राजेन्द्र अधिकारीले आपत्ति जनाएका थिए । तर, समाधानले यसअघि प्रकाशित समाचारबाट आफ्नो ठगीधन्दा उदांगो भएको रिस साँध्न ‘अपराधीको अनुहार देखाएर भिडियो राख्ने अभियान सुरु गरेकोमा राजेन्द्र अधिकारी (डन न्यूज)ले धम्की दिएको’ भन्दै गम्भिर र झुटो प्रचार गरेको छ ।

जेन–जी आन्दोलनका क्रममा भदौ २४ गते दिउँसो ४:०६ बजे कास्की जिल्ला अदालत र वडा प्रहरी कार्यालय बैदामबाहिर खिचिएको भिडियो समाधान दैनिकले बिना अनुमति चोरेर राखेपछि विवाद चर्किएको हो ।

नेकपा एमालेको मुखपत्रका रूपमा चिनिने समाधानको ठगीधन्दा डन न्यूजले यसअघि प्रेस काउन्सिल नेपालको प्रमाणसहित पर्दाफास गरेको थियो। २०८२ असार २९ मा “पत्रकारिताको आवरणमा समाधान दैनिकको ठगी धन्दा’’ असार ३१ मा “एमाले नेता पृथ्वीसुब्बा गुरुङको कालो साम्राज्य’’ र साउन ११ मा “समाधान र ढोरपाटन पत्रिका ‘राष्ट्रिय दैनिक’ होइनन्“ शीर्षकमा समाचार प्रकाशित भएका थिए । यी समाचारलाई समाधानले आजसम्म पनि खण्डन गर्न सकेको छैन ।

जेन–जी आन्दोलनका क्रममा भदौ २३ र २४ मा भएको तोडफोड र आगजनीको भिडियो डन न्यूजले फिल्डबाटै खिचेर आफ्नो फेसबुक र टिकटकमा राखेको थियो। आन्दोलनका यस्ता दृश्यहरु अधिकांश मिडिया र सामाजिक सञ्जाल प्रयोगकर्ताले स्वस्फूर्त राखेको विषयमा समाधानले ‘धम्की दिइयो’ भन्दै हास्यास्पद आरोप लगाएको डन न्यूजका सम्पादक अधिकारी बताउँछन्।
समाधानले आफ्नो ठगीधन्दा बचाउन जेन–जी आन्दोलनको संवेदनशिल विषयलाई तोडमोड गरी नकारात्मक सन्देश जाने गरी सम्पादक अधिकारीलाई बदनाम गराउन खोजेकोप्रति डन न्यूजले घोरभत्र्सना गरेको छ । आगामी दिनमा समाधान दैनिकका ठगीधन्दा र गलत हर्कतहरु यसैंगरी सप्रमाण समाचार निरन्तर उजागर गरिरहने प्रतिवद्धता डन न्यूजले व्यक्त गरेको छ ।

प्रेस काउन्सिल नेपाल, पत्रकारिताको स्वतन्त्रता र मर्यादा कायम राख्ने स्वायत्त निकायले समाधान दैनिक आर्थिक वर्ष २०६९/७० देखि हालसम्म ‘राष्ट्रिय’ स्तरको मान्यता नदिएको स्पष्ट गरिसकेको छ। प्रेस काउन्सिलका अनुसार, पत्रपत्रिका वितरण सम्परीक्षण मापदण्ड, २०७५ बमोजिम यो दैनिक कहिल्यै राष्ट्रिय स्तरमा वर्गीकृत भएको छैन ।

डन न्यूजको खोजमूलक समाचारपछि ढोरपाटन दैनिक र पोखरा हटलाइनले ‘राष्ट्रिय’ हटाएर ‘दैनिक’ मात्र लेख्न थालेका छन्, तर समाधानले ठगीधन्दा जोगाउन गैरकानुनी रूपमा ‘राष्ट्रिय’ लेखिरहेको छ।

तर, समाधान दैनिकले गलत रूपमा “गण्डकी प्रदेशको एकमात्र राष्ट्रिय दैनिक” भन्दै साउन ४ गते विज्ञापन प्रकाशित गरेको थियो। यो दाबी प्रेस काउन्सिलको मापदण्डविपरीत छ र आचारसंहिता उल्लंघनमा पर्छ। डन न्यूजको खोजमूलक समाचारपछि ढोरपाटन दैनिक र पोखरा हटलाइनले ‘राष्ट्रिय’ हटाएर ‘दैनिक’ मात्र लेख्न थालेका छन्, तर समाधानले ठगीधन्दा जोगाउन गैरकानुनी रूपमा ‘राष्ट्रिय’ लेखिरहेको छ।

आधिकारिक स्रोत: प्रेस काउन्सिल नेपाल

समाधान मिडिया प्रा.लि., पोखराबाट सञ्चालित यो दैनिकका अध्यक्ष उमानाथ बराल र सञ्चालकहरू विप्लव पौडेल र रामकृष्ण ज्ञवाली छन्। यस विषयमा प्रेस काउन्सिल नेपाल र अख्तियार दुरुपयोग अनुसन्धान आयोगमा उजुरी परिसकेको छ।

प्रेस काउन्सिल नेपालका सदस्य तथा समाधान दैनिकका सम्पादक केशवशरण लामिछाने र समाधान न्यूजडटकमका सम्पादक भरत कोइराला ।

*सच्याईएको: भूलवश समाधान दैनिकको कार्यालय रहेको भवन देव नकर्मीको हुनुपर्नेमा अन्यथा भएकोले हटाईएको छ । -सम्पादक