पोखरा, २४ भदौ ।  जिल्ला प्रहरी कार्यालय कास्कीमा प्रदर्शनकारीहरूले व्यापक तोडफोड र आगजनी गरेका छन्।

प्रदर्शनकारीहरूले कार्यालयमा रहेका प्रहरी कर्मचारीहरूलाई लखेटेर भवनमा तोडफोड र आगजनी गरेका हुन्। उनीहरूले निरन्तर रूपमा तोडफोड र आगजनी गरिरहेको प्रहरी स्रोतले जनाएको छ।

आन्दोलनकारीहरूले हिरासतमा रहेका व्यक्तिहरूलाई बाहिर निकालेका छन् भने कार्यालयमा रहेका महत्वपूर्ण कागजातहरू जलाएका छन्। साथै, प्रहरीका गाडीहरू र अन्य संरचनाहरूमा पनि आगजनी गरिएको छ।

प्रदर्शनकारीहरूले पोखराका अधिकांश सरकारी कार्यालयहरूमा तोडफोड र आगजनी गरिसकेका छन्। उनीहरूले प्रहरीको हतियारसमेत खोसेर प्रदर्शन गरेको प्रहरीले बताएको छ।