शाह परिवारको हकमा आएको जग्गा पास गर्न बिचौलियाले मन्त्रीदेखि कर्मचारीसम्मलाई मिलाउने जिम्मा लिएको र मालपोत प्रमुख चिरञ्जिवी पौडेलले हवाई टिकटदेखि अन्य सुविधा लिएको खुलासाले यो प्रकरणलाई थप रहस्यमय बनाएको छ।

पोखरा, १५ साउन । पोखराको बाटुलेचौरमा रहेको १३५ रोपनी जग्गा घोटाला प्रकरणमा मालपोत कार्यालयका प्रमुख चिरञ्जिवी पौडेल पनि संलग्न रहेको पुष्टि भएको छ । तत्कालिन कार्यालय प्रमुख पौडेल र मुख्य बिचौलिया सुजन लामाको गिरोहसँग मिलेर शाह परिवारको नाममा जग्गा ल्याउने बहानामा हवाई टिकटदेखि मन्त्रीसम्मको सेटिङ गरेको तथ्य बाहिर ल्याएको छ।

यो प्रकरणले मालपोत कार्यालयका प्रमुखहरूले बिचौलियासँग मिलेर कसरी गैरकानुनी सेटिङ गर्ने गरेको छ भन्ने तथ्यलाई उजागर गरेको छ।

डन न्यूजले प्राप्त गरेको गोप्य विवरणअनुसार चिरञ्जीवी पौडेलले बिचौलिया समूहलाई पोखरा–काठमाडौं आवतजावतका लागि चार पटक हवाई टिकट किन्न लगाएका थिए। स्रोतका अनुसार, २०२४ नोभेम्बर १३, २०२५ डिसेम्बर २५, २०२५ जनवरी ६ र अन्य एक मितिमा उनको नाममा टिकट काटिएको थियो। यी टिकटको विवरण अख्तियार दुरुपयोग अनुसन्धान आयोगले समेत प्राप्त गरेको छ।

पौडेलले दुर्गादेवी शाहको हकवालाको नाममा १३५ रोपनी जग्गा ल्याउन सक्रिय बिचौलिया समूहसँग मिलेर विभिन्न व्यक्तिको नाममा जग्गा पास गराउने योजना बनाएको खुलासा भएको छ। यो प्रकरणमा मालपोत र नापी कार्यालयले अदालतको आदेश कार्यान्वयन नगरेपछि शाह परिवारका वारेसहरू बिचौलियाको शरणमा पुगेका थिए।

भूमिसुधारमन्त्री बलराम अधिकारी र सचिवमाथि कुनै कारबाही भएको छैन। बलराम, सचिव र उनका छोरालाई अख्तियारले बयानका लागि बोलाएको छेन ।

सर्वोच्च अदालतले २०३१ सालमै पोखराको बाटुलेचौरस्थित नक्सा नम्बर २५, २६ र २८ मा रहेको जग्गा शाह परिवारको नाममा कायम गर्न आदेश दिएको थियो। तर, २०३२ को नापीमा ती जग्गा अरूकै नाममा कायम भएको भन्दै हालसम्म शाह परिवारको हकमा आएको छैन। मालपोत र नापी कार्यालयले विभिन्न बहाना बनाएर जग्गा पास नगरेपछि बिचौलियाहरूले मन्त्रीदेखि कर्मचारीसम्मलाई मिलाउने जिम्मा लिएका थिए।

यो घोटालामा तत्कालीन सामान्य प्रशासनमन्त्री राजकुमार गुप्ता, भूमिसुधारमन्त्री बलराम अधिकारी, पूर्व भूमिसुधारमन्त्री रञ्जिता श्रेष्ठ, तत्कालीन सचिव अर्जुन र उनका छोरा मनोज अधिकारीसम्म जोडिएका छन्। गुप्ताले मन्त्री पदबाट राजीनामा दिएका छन् भने रञ्जितालाई नागरिक उन्मुक्ति पार्टीले अध्यक्षबाट हटाएको छ। तर, बलराम र सचिवमाथि कुनै कारबाही भएको छैन। अख्तियारले यो प्रकरणमा छानबिन गरिरहेको छ, तर बलराम, सचिव र उनका छोरालाई बयानका लागि बोलाइएको छैन।

अख्तियारले गुप्ता, रञ्जिता र बिचौलिया सुजन लामासँग बयान लिइसकेको छ। लामालाई पाँच दिन नियन्त्रणमा राखेर बयान लिइएको थियो

अख्तियारले गुप्ता, रञ्जिता र बिचौलिया सुजन लामासँग बयान लिइसकेको छ। लामालाई पाँच दिनसम्म दिनभरि नियन्त्रणमा राखेर बयान लिइएको थियो र हाल उनलाई पूरक बयानका लागि पुनः काठमाडौं बोलाइएको स्रोतले बताएको छ। तर, अन्य संलग्न व्यक्तिहरू छानबिनको दायरामा आएका छैनन्।

यो प्रकरणले मालपोत कार्यालयका प्रमुखहरूले बिचौलियासँग मिलेर कसरी गैरकानुनी सेटिङ गर्ने गरेको छ भन्ने तथ्यलाई उजागर गरेको छ। शाह परिवारको हकमा आएको जग्गा पास गर्न बिचौलियाले मन्त्रीदेखि कर्मचारीसम्मलाई मिलाउने जिम्मा लिएको र मालपोत प्रमुख पौडेलले हवाई टिकटदेखि अन्य सुविधा लिएको खुलासाले यो प्रकरणलाई थप रहस्यमय बनाएको छ।