काठमाडौँ, २३ वैशाख । सेयर कारोबार मापक नेप्से परिसूचक १.०३ अंकले बढेर २६११.४३ विन्दुमा उक्लिएको छ । पछिल्लो पाँच दिनपछि नेप्सेमा सामान्य सुधार भएको हो ।

सोमबारको तुलनामा नेप्से शून्य दशमलव शून्य तीन विन्दुले बढेको हो । कुल १२० कम्पनीको सेयर मूल्य बढ्यो भने १२६ कम्पनीको मूल्य घट्यो ।

आज मंगलबार ८० हजार ५४ पटकको सेयर किनबेचबाट ८ अर्ब ७४ करोड ७६ लाख ६८ हजार रुपैयाँको सेयर कारोबार भएको छ ।

कुल २ करोड ५ लाख ४२ हजार ७६४ कित्ता सेयर किनेबेच भए । व्यापार, निर्जीवन बिमा, उत्पादन तथा प्रशोधन, जीवन बिमा र जलविद्युत्बाहेक सबै उपसमूहहरु घट्यो ।

आज मंगलबार ३१८ वटा धितोपत्रको दुई करोड पाँच लाख ४२ हजार ७६४ कित्ता सेयर किनबेच भएको हो । मंगलबार १२० कम्पनीको सेयर मूल्य बढेको छ भने १२६ वटाको घटेको छ ।

मंगलबार तीन कम्पनीको मूल्य सर्किट लेभलमा बढेको छ । नेपाल माइक्रो इन्स्योरेन्स को मूल्य १० प्रतिशत, क्रेस्ट माइक्रो लाइफ इन्स्योरेन्सको मूल्य ९.९९ प्रतिशत र ओम मेगाश्री फर्मास्युटिकल्सको मूल्य ९.९८ प्रतिशतले बढेको छ ।

मंगलबार विन नेपाल लघुवित्तको मूल्य सर्वाधिक १० प्रतिशतले घटेर प्रतिकित्ता मूल्य दुई हजार ५५१ रूपैयाँ १० पैसामा झरेको छ । यस्तै, हिमालयन पावर पार्टनरको मूल्य ५.१८ प्रतिशतले घटेर प्रतिकित्ता मूल्य ५५१ रूपैयाँ १७ पैसा कायम भएको छ ।

मंगलबार सानिमा माइ हाइड्रोपावरको सर्वाधिक कारोबार भएको छ । कम्पनीको प्रतिकित्ता ६१५ रूपैयाँमा ९२ करोड ८९ लाख रूपैयाँको सेयर कारोबार भएको छ ।

यो मूल्य अघिल्लो दिनको तुलनामा ५.३७ प्रतिशत बढेको हो । सर्वाधिक सेयर खरिद–बिक्री हुने दोस्रो कम्पनीमा ङादी ग्रुप पावर रहेको छ। उक्त कम्पनीको प्रतिकित्ता ३९० रूपैयाँमा ६७ करोड ३२ लाख बराबरको सेयर कारोबार भएको छ ।

आज कारोबारमा आएका १३ वटा समूहगत परिसूचकमध्ये पाँच समूहको परिसूचक बढेको छ भने बाँकी आठ समूहको परिसूचक घटेको छ । यसदिन व्यापार समूहको परिसूचक सर्वाधिक २.०३ प्रतिशतले बढेको छ । यस्तै, अन्य समूहको परिसूचक सर्वाधिक १.५८ प्रतिशतले घटेको छ ।