काठमाडौं, १४ मंसिर । नेकपा एमाले र नेपाली काँग्रेसले एकअर्कालाई बुथ कब्जा गरेको आरोप लगाउँदै रोकिएको स्याङ्जा निर्वाचन क्षेत्र नं. २ र बाजुराको मतगणना सुरु गर्न निर्वाचन आयोगले आज निर्देशन दिएको छ ।

गत मंसिर ४ गते मतदान भएर बुथमा मतपेटिका संकलन गरेपछि शुरु हुने भनिएको मतगणना कार्य विवादका कारण रोकिएको थियो । मुचुल्का उठाउने र मतपेटिका संकलन गर्ने कार्यमा विवाद नदेखिदाँ यस विषयमा पुनः मतदान गर्ने कि मतगणनालाई शुरु गर्ने भन्ने विषयमा निर्वाचन आयोग भित्रै सहमति जुट्न सकिरहेको थिएन ।

आयोगको पटक–पटक बसेको बैठकमा कोही पुनः मतदान गर्नुपर्ने र कोहीले मतगणना कार्य शुरु गर्नुपर्ने अडान लिदाँ यो विवाद झनै चर्किएको थियो । तर आज बसेको आयोगको बैठकले मतगणना शुरु गर्ने निर्देशन दिएको हो ।