पोखरा, ८ जेठ । पोखरा महानगरपालिकाको १ लाख १ हजार एकसय २१ मतगणना हुँदा ३ हजार मतले नेकपा (एकीकृत समाजवादी)का धनराज आचार्यले अग्रता लिईरहेका छन् । समाजवादीका आचार्यले ४० हजार ४ सय ३४ मत प्राप्त गरेका छन् ।

उनका निकटतम प्रतिस्पर्धी नेकपा एमालेका कृष्ण थापाले ३७ हजार १ सय ७४ मत ल्याएका छन् । त्यसैगरी राष्ट्रिय प्रजातन्त्र पार्टीका शंकर खरालले ४ हजार ५ सय ८२ र स्वतन्त्र उम्मेदवार गनेस पौडेल (लौरो) २ हजार ६ सय १३ मत ल्याएका छन् ।

त्यसैगरी, उपमेयरमा नेपाली कांग्रेसकी उम्मेदवार कोपिला रानाभाटले ४० हजार सातसय ४ मत र नेकपा एमालेकी मञ्जु गुरुङले ४२ हजार ३ सय १६ मत प्राप्त गरेकी छिन् । त्यसैगरी राप्रपाकी उम्मेदवार रन्जना सेनले ४ हजार ५सय ९ मत प्राप्त गरेकी छिन् । पोखरामा कुल १ लाख ४३ हजार मत खसेको थियो ।