एमालेका कार्यकर्ता डिल्लीराम तिवारी र कमल पोखरेललाई डिएसपी तिवारीले मुख्य निर्वाचन अधिकृतको कार्यालय भित्र मतगणनास्थलबाट पक्राउ गरेका थिए । त्यस दिन उनीहरु चुनाव विथोल्ने योजना बनाएर मतगणना भईरहेको ठाउँसम्म पुगेका थिए । सरकारी लोगो, छाप र कागजात किर्ते गरी मतगणना नै विथोल्न आएका एमालेका कार्यकर्तालाई प्रहरीले कारवाही नै नगरी त्यसै छोडिदियो ।

पोखरा, ७ जेठ । जिल्ला प्रहरी कार्यालय कास्कीका प्रहरी नायव उपरीक्षक (डिएसपी) एवं प्रवक्ता सुन्दर तिवारीले पोखरा महानगरपालिकाको मतगणनास्थल भित्रैबाट पक्राउ परेका दुई जना व्यक्तिलाई कारवाही नगरी त्यसै छोडिदिएका छन् । सरकारी कागजात किर्ते गरी एमालेका कार्यकर्ताहरुले मतगणना विथाल्ने योजनाका साथ प्रवेश गर्दा समेत कास्की प्रहरीले उल्टै उनीहरुलाई जोगाएको छ ।

एमालेका कार्यकर्ता डिल्लीराम तिवारी र कमल पोखरेललाई डिएसपी तिवारीले मुख्य निर्वाचन अधिकृतको कार्यालय भित्र मतगणनास्थलबाट पक्राउ गरेका थिए । तर उनीहरुलाई एमाले पृष्ठभूमि भएका डिएसपी तिवारीले सेटिङमा नै छोडेको जानकारहरु बताउँछन् । त्यस दिन उनीहरु चुनाव विथोल्ने योजना बनाएर मतगणना भईरहेको ठाउँसम्म पुगेका थिए ।

यस अघि पोखराको बैदाममा कार्यरत डिएसपी तिवारीको यहाँका राजनीतिक दलका नेता, उद्योगपति देखि सबैसँग राम्रो चिनजान रहेको छ । नेकपा एमाले निकटका उनले यतिबेला गरेका गतिविधिहरु शंकाको घेरामा परेको छ । सरकारी लोगो, छाप र कागजात किर्ते गरी मतगणना नै विथोल्न आएका एमालेका कार्यकर्तालाई जोगाउनेदेखि अन्य घटनाहरुमा पनि उनको भूमिका सकारात्मक देखिएको छैन । जब कि यो घटनाका विषयमा कास्की प्रहरीले कतै केही सूचना पनि सार्वजनिक गरेको छैन ।

वडा नं. ७ को मतगणनाका क्रममा भईरहेको विवादमा पत्रकारहरुले भिडियो खिचेको भन्दै एमालेका मेयरका उम्मेदवार कृष्ण थापाका सहयोगी मनु भनिने महेन्द्रले समेत पत्रकारहरुलाई धम्क्याएका थिए । उनीहरुले मतगणना विथोल्ने गरी विभिन्न हर्कतहरु गर्न थालेपछि रिर्पोटिङका क्रममा पुगेका केही पत्रकारहरुले भिडियो खिचेकोमा उनीहरु आक्रोशित भएका थिए । केही दिन अघिदेखि कैं यो योजना सफल हुन नसकिरहेको अवस्थामा मतदान केन्द्रको जिम्मेवारीमा कास्की प्रहरीका डिएसपी तिवारी खटिनुले झनै त्रास फैलिएको अनुभूति मतगणना केन्द्रमा बस्नेले गरेका छन् ।

एकातिर चुनाव विथोल्ने उद्देश्यका साथ केही मानिसहरु निरन्तर लागिपरिरहेका छन् भने अर्को तर्फ मतदान केन्द्र भित्र न त प्रवेशमा कडाई छ, न त भित्र छिरिसकेपछि कार्ड नै चाहिन्छ । त्यसो त डिएसपी सुन्दर तिवारी कैं अगाडि एमालेका कार्यकर्ता झपट रानाभाट बिना पास भित्रै मतगणना भएकै ठाउँमा पुग्नुले पनि पुष्टि गर्दछ । त्यसो त भित्र भएकाहरुले बाहिर निस्कने १ जनालाई कार्डहरु दिने र धमाधम मानिसहरु भित्र गएर झमेला गर्ने गरेको कर्मचारीहरु नै बताउँछन् । यस सम्बन्धमा सुरक्षाको पाटो पोखराको मतगणना केन्द्रमा निकै फितलो देखिएको छ ।

#संशोधन गरिएको छ ।