पोखरा, २४ चैत । पछिल्लो समय कास्की जिल्ला अदालतले बलात्कारका मुद्दामा आरोपित व्यक्तिहरुलाई धमाधम सफाई दिन थालेको छ । हिजोमात्र नाबालिग किशोरीमाथि बलात्कार र यौंन दुव्र्यवहारको आरोप लागेका दुईजनाले सफाई पाएका छन् ।

होटल दि कान्तिपुरका मालिक तथा पोखराका पर्यटन व्यवसायी सुन्दर श्रेष्ठ र सोही मुद्दामा यौन दुव्र्यवहारको आरोप लागेका एनआइसी एसिया बैंक प्रस्र्याङ पोखरा शाखाका प्रमुख सुवास सुवेदीले पनि सफाई पाएका छन् । पछिल्ला केही चर्चित बलात्कारका मुद्दाहरुमा धमाधम कास्की जिल्ला अदालतले आरोपितहरुलाई सफाई दिदैं आएको छ ।

न्यायाधीश बाबुराम सुवेदीको इजलासले हिजो बुधबार नाबालिग बलात्कारको मुद्दामा दाबी नपुग्ने भन्दै दुवै जनालाई सफाइ हुने फैसला सुनाएको हो । २०७५ चैत २९ गते होटल मालिक श्रेष्ठ पोखरा उपत्यका नगर विकास समितिको अध्यक्षको हैसियतमा रहँदारहँदै बलात्कार आरोपमा पक्राउ परेका थिए । उनीसँगैं एनआइसी एसिया बैंक प्रस्र्याङ शाखाका प्रमुख सुवास सुवेदी पनि पक्राउ परेका थिए ।

होटल मालिक श्रेष्ठको घर नजिकै जोडिएको घरमा बसेकी १६ वर्षे नाबालिग किशोरीलाई श्रेष्ठले झ्यालबाट छिरेर पटक–पटक बलात्कार गर्ने गरेको आरोप नाबालिगले लगाएकी थिईन् । श्रेष्ठले आफूमात्र नगई एनआईसी एसिया बैंकका शाखा प्रमुख सुवेदीलाई समेत लगेर यौन दुव्र्यवहार गरेको आरोप ती नाबालिग किशोरीले लगाएकी थिईन् ।

बलात्कार आरोपमा पक्राउ परेपछि भएको थुनछेक बहसमा श्रेष्ठ ५ लाख धरौटीमा र एनआईसी एसिया बैंकका शाखा प्रमुख सुवेदी ३ लाख रुपैयाँ धरौंटीमा छुटेका थिए । क्षेत्रीय होटल संघ, पोखरा पर्यटन परिषद् र रोटरी क्लब अफ पोखरा लगायत विभिन्न संस्थामा नावालिग किशोरी बलात्कारको आरोप लागेका श्रेष्ठले नेतृत्व प्रदान गरेका थिए ।

अदालतबाट आएको यस्तो फैसलाले आशंका गर्ने प्रशस्त ठाउँ दिएको छ भने अर्कोतर्फ पीडित नाबालिग किशोरी आर्थिक प्रलोभन वा त्रासमा परेर मुद्दा होस्टाईल गरेको हुन सक्ने आशंका पनि उब्जिएको छ । पछिल्लो समय अदालत र सम्बन्धित व्यक्तिहरु आर्थिक प्रलोभनमा फस्ने र सेटिङमा फैसला गर्ने गरेको आक्षेपहरु लाग्दै आईरहेको छ ।