दाङ, ११ चैत । ६५ वर्षीया सासु गंगी कुँवरलाई हँसिया र चक्कु प्रहार गरी हत्या गरेको आरोपमा दाङमा प्रहरीले आफ्नै बुहारीलाई पक्राउ गरेको छ । प्रहरीले बबई गाउँपालिका–७ की २२ वर्षीया जमुना कुँवरलाई हत्या आरोपमा पक्राउ गरेको हो ।

इलाका प्रहरी कार्यालय खिलतपुरका प्रहरी निरीक्षक नवीन चुँदालीका अनुसार बुहारी जमुनाले सासू गंगीलाई हँसिया र चक्कु प्रहार गरेर हत्या गरेको स्वीकार गरेकी छिन् । सासुबुहारी बिच सामान्य मनमुटाव भईरहेको अवस्थामा मंगलबार खेतमा काम गरेर सासु घर फर्कने क्रममा विहान ९ बजे जमुनाले हँसिया र चक्कु प्रहार गरी हत्या गरेर नजिकैको नर्सरीमा फालिदिएकी थिईन् ।

सासु गंगीको शव मंगलबार शान्तिनगर गाउँपालिका–६ स्थित कोरबाङको नर्सरीमा फेला परेको थियो । मृतकका छोरा रोजगारीको सिलसिलामा स्याङजा जिल्लामा बस्दै आएका छन् ।