पोखरा, १० चैत । कास्की जिल्ला अदालतको दुईवटा इजलासमा भएको तोडफोडमा संलग्न रहेको भन्दै प्रहरीले लागूऔषध प्रयोगकर्तालाई सार्वजनिक गरेको छ । पोखरा–१५, टुटुङ्गाका २७ वर्षीय अर्जुन परियार (दावा)लाई प्रहरीले मंगलबार राती अदालतको ढोका फुटाई तोडफोड गरेको अभियोगमा पक्राउ गरेको हो ।

प्रहरीका अनुसार अदालतको ढोका फुटाई इजलास कक्षसम्म पुगेका दावाले त्यहाँ डिस्पोज गर्न राखिएको लागूऔषध चोरी गर्ने उद्देश्यले पुगेका थिए ।
पक्राउ परेका परियारले १ नम्बर र ६ नम्बर इजलास कोठाको ढोकामा लगाएको ताला तोडेका थिए । साथै इजलासभित्रको टेबुलमा रहेका फाइलहरु पनि भुइँमा छरपष्ट छरिएको अवस्थामा रहेको थियो ।

पोखरा–१५, टुटुङ्गाका २७ वर्षीय अर्जुन परियार (दावा)