पोखरा । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी (नेकपा) कास्कीले कोरोनाको प्रभावले आक्रान्त जनताको स्वास्थ्य जाँच र उपचारको निशुल्क व्यवस्थाको माग गर्दै आज पोखरा महानगरपालिका र मादी गाउँपालिकामा कोणसभा सम्पन्न गरेको छ ।

देशव्यापी रुपमा थालिएको आन्दोलनका क्रममा पोखरा र मादी गाउँपालिकामा आयोजित कोणसभा लगत्तै मास्क वितरण गरिएको जिल्लास्तरका एक नेताले जानकारी दिएका छन् । कोरोनाको प्रभावले आक्रान्त जनतलाई राहत पु¥याउन लाग्नुको सट्टा स्वास्थ्य परीक्षणजस्तो संवेदनशील र राज्यको न्यूनतम् दायित्वबाट समेत पन्छिने र उल्टै महामारीको संकटमा पैसा कमाउने, भ्रष्टाचार गर्ने र धन कुम्ल्याउने माध्यमका रुपमा दुरुपयोग भईरहेको भन्दै नेपाल कम्युनिष्ट पार्टी (नेकपा)का महासचिव नेत्रविक्रम चन्द ‘विप्लव’ले देशव्यापी आन्दोलनको घोषणा गरेका हुन् । देशव्यापी घोषित कार्यक्रम अनुसार आज कोणसभा, १७ गते पर्चा वितरण र २० गते विरोधजुलुस लगायतका कार्यक्रमहरु रहेको नेकपा कास्कीले जानकारी दिएको छ ।