पोखरा । नेपाली काँग्रेसको १४ औं महाधिवेशन अन्तर्गत कास्की जिल्ला अधिवेशनमा युवा नेता सिरोज कोइरालाले पार्टीको सचिव पदमा उम्मेद्वारी घोषणा गरेका छन् ।

शनिबार पोखरामा आयोजित पत्रकार भेटघाट कार्यक्रममा कोइरालाले कास्की काँग्रेसको मंसिर १० गते हुन लागेको जिल्ला अधिवेशनमा सचिवमा उम्मेद्वारीका लागि आफूलाई प्रस्तुत गरेका हुन् । जनताको ढुकढुकी र युवाले भरोसा गर्न लायक काँग्रेस बनाउन, सही विचार र संगठन निर्माणका लागि हस्तक्षेपकारी भूमिका खेल्न कास्की काँग्रेसको पाटी सचिवमा उम्मेद्वारी घोषणा गरेको कोइरालाले पत्रकार सम्मेलनमा बताए ।

नेपाली काँग्रेसको गौरवपूर्ण इतिहास सिंहावलोकन गर्दै कोइरालाले विज्ञप्तिमा लेखेका छन् – २००७ सालमा जहानियाँ राणा शासनका विरुद्ध काँग्रेसले क्रान्ति गर्यो । दुईतिहाइको सरकार बनाएर परिवर्तन र सुधारको खाका कोर्यो । २०३६ को विद्यार्थी आन्दोलन, जनमत संग्रह र २०४६ सालको जनआन्दोलनमा दरबारलाई झुकायो । जनयुद्धमा होमिएको माओवादीलाई राजनीतिक मूलधारमा ल्याउँदै २०६२/०६३ को दोस्रो जनआन्दोलनबाट गणतन्त्र स्थापित गर्ने काँग्रेस जनअनुमोदिन हुन सकेन ? यसमा नेतृत्वको कमजोरी रहेको कोइरालाको विचार छ ।

पछिल्लो समय काँग्रेसभित्र नीति र आदर्श कमजोर, पैसा र बाहुबल बलियो बन्दा नेतृत्व असफल हुँदा निष्ठावान काँग्रेस ओझेलमा परेका छन् । जनताको ढुकढुकी र युवाले भरोसा गर्न लायक काँग्रेस बनाउन, सही विचार र संगठन निर्माणका लागि हस्तक्षेपकारी भूमिका खेल्न कास्की काँग्रेसको पाटी सचिवमा उम्मेद्वारी घोषणा गरेको कोइरालाले पत्रकार सम्मेलनमा जानकारी दिएका छन् ।

सचिवमा उमेद्वारी घोषणा गर्दै युवा नेता कोइरालाले यी प्रश्न र विचारहरु पनि आमजनता माझ उठाएका छन् :

नेपाली कांग्रेस १४ औं महाधिवेशनमा होमिँदैछ।
>७ सालको क्रान्ति गरेर राणा शाही फाल्ने कांग्रेस।
>दुई तिहाई ल्याएर सरकार बनाएर क्रान्तिकारी मुद्दा बोकेको कांग्रेस।
>२०३६ र २०४६ सालमा राजालाई झुक्न बाध्य बनाएको कांग्रेस।
>२०६२/६३ सालमा अनवरत जनअधिकार खोस्ने शाह-राज फ्याँकेर गणतन्त्र ल्याउने माओवादी आतंकलाई मत्थर पार्ने कांग्रेस।
>यत्रा युगान्तकारी परिवर्तन ल्याएको कांग्रेस, आम जनताको ढुकढुकी रहेको कांग्रेस, किन खुम्चिएर २०-२१ सिटमा झर्‍यो?
>सधैं लोकतान्त्रिक आन्दोलनमा नेतृत्व गरी अग्रपंक्तिमा रहने कांग्रेस सँधै कास्कीमा किन निर्वाचनमा पराजित हुँदै आएको छ?
>किन नयाँ पुस्तामा, युवा पुस्तामा कांग्रेस पुग्न सकेको छैन? पहिलो र दोस्तो पुस्ताका कांग्रेसीहरूको क्रमशः निधनसँगै के कांग्रेस निमिट्यान्न नहोला? कि >भारतमा भारतीय कांग्रेसको जस्तै स्थिति नेपालमा नेपाली कांग्रेसको होला?
>नेपाली कांग्रेस इतिहासको कठिन मोडबाट गुज्रिरहेको छ।
>हुन त हाम्रा ७-८ लाख क्रियाशिल सदस्य छन् भनेर कांग्रेस नेतृत्वले भन्ने होला।
>तर ती कस्ता क्रियाशील सदस्य हुन्? तिनले के काम गर्छन्? कहिले, के गर्न क्रियाशील हुन्छन्?
>चुनावको समयमा मतदान गर्नु मात्रै क्रियाशील हुनु हो?
>के नेतृत्वले आफ्ना कथित क्रियाशीललाई कुनै “काम” दिएको छ?
>के आफ्ना कार्यकर्तालाई संरक्षण गर्न सकेको छ?
>के अहिले कांग्रेसले कुनै मुद्दामा स्पष्ट विचार राखेको छ? देश विकासको खाका प्रस्तुत गरेको छ? के मुलुकको एजेण्डा सेटर कांग्रेस हो? कि अरूले >पस्केका एजेण्डामा प्रतिक्रिया दिएर (अथवा कहिले त्यो पनि नदिएर) मात्र बसेको छ कांग्रेस? उसको दायित्व होइन एजेण्डा सेट गर्ने? कि पिछलग्गु भएर बस्ने हो?
>पार्टीलाई हाँक्ने भनेको विचार र संगठनले हो।
>तर कांग्रेस संगठनका हिसाबले जुम्सो छ।
>अनि विचारका हिसाबले खोक्रो छ।
>तसर्थ समस्त कांग्रेसजनले आफ्नो महाधिवेशन जस्तो महायज्ञको पूर्वसन्ध्यामा गहन चिन्तन र मनन गर्न जरुरी छ। मन्थन गर्न जरुरी छ।
>आउँदा दिनमा नेपाली कांग्रेसलाई कता लग्ने? अनि नेपाली कांग्रेस मार्फत देश र जनतालाई के गर्ने?
>अहिले साधारण भन्दा साधारण मानिसका मूल सरोकारका मुद्दा के हुन्? ती मुद्दामा कांग्रेसको स्ट्याण्ड के हो?
>अहिले साधारण भुइँमान्छेका तीन सरोकार छन्।
>एक, उसका छोराछोरीलाई कसरी राम्रो शिक्षादीक्षा दिने।
>दुई, घरमा विरामी पर्दा ओखतीमुलो गर्ने।
>तीन, वातावरण क्षय नहुने गरी भौतिक विकास गर्ने।
>यी सरोकारहरूलाई कसरी सम्बोधन गर्ने हो कांग्रेसले?
>निजी शिक्षा कि सार्वजनिक शिक्षा?
>निजी अस्पताल कि सार्वजनिक अस्पताल?
>शिक्षा र स्वास्थ्य सरकारको दायित्व कि नागरिकको?
>सबै कुरा नागरिकले पकेटबाट खर्च गर्नै पर्ने हो भने उसले खाइ-नखाइ तिरेको करबाट हुन्छ के? त्यो कर जान्छ कहाँ? के कर्मचारी र नेता पाल्न मात्र जनताले कर तिर्ने हो? आफ्ना बालबच्चालाई सकीनसकी पढाएर अर्काको मुलुकमा गुलामी गर्न पठाउने, अनि तिनले पठाएको रेमिट्यान्समा नेता-दलालले रजाइँ गर्ने हो?
>जिन्दगी भर विदेशीको गुलामी गरेर फर्कने नेपालीलाई बुढेसकालमा कस्ले पाल्ने हो? हेरचाह गर्ने हो?
>यी कांग्रेसले सोच्नुपर्ने राष्ट्रिय मुद्दाहरू होलान्।
>हाम्रा स्थानीय मुद्दा पनि छन्।
>हाम्रो स्वर्गको टुक्रा जस्तो शहरलाई कसरी संरक्षण गर्ने हो? कसरी करको भारबाट रोकेर कास्की वासीहरूलाई सुख र समृद्धि दिने हो? विकास दिने हो?
अनि कांग्रेसलाई युवा पुस्ताको ढुकढुकी कसरी बनाउने?
>उनीहरूलाई कांग्रेसप्रति विश्वासी कसरी बनाउने?
>यी सबै मुद्दा छन्। र यी मुद्दामा हाम्रो न स्थानीय न राष्ट्रिय नेतृत्वले केही छलफल गरेको छ?
>यदि अझै पनि हामी कांग्रेसका शुभचिन्तकहरू नबिउँझने हो भने नयाँ नेतृत्व चयनमा विवेक नपुर्‍याउने हो भने कांग्रेस सक्किने छ। यो तय छ। अहिलेको >नेतृत्व पंक्ति कायमै रहने हो भने कांग्रेस सक्किने छ।
>कांग्रेसलाई रसातलबाट झिक्न, पुनः युवाहरूको ढुकढुकी बनाउन नयाँ जोश र जाँगर सहित मैले उम्मेदवारी प्रस्तुत गरेको छु ।