News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

ठगी गरेको आरोपमा पोखरा–५ बस्ने मातृका पक्राउ

जग्गा पास गरी दिन्छु भन्दै २५ हजार रुपैयाँ लिएर काम नगरेपछि प्रहरीमा उजुरी

पोखरा, १८ असोज । जिल्ला प्रहरी कार्यालय कास्कीले ठगी, अपराधिक विश्वासघात तथा अपराधिक लाभ (एक्टर्सन) सम्बन्धी कसुरमा मातृका वस्ताकोटीलाई पक्राउ गरेको छ । पोखरा वडा नं. २३ घर भई हाल पोखरा–५, पस्र्याङ बस्ने ५६ बर्षीय वस्ताकोटीलाई प्रहरीले असोज १५ गते पक्राउ गरेको हो ।

पोखरा वडा नं.१५, टुटुङ्गा स्थित सन्तु ढकाल पौडेलको नाममा रहेको जग्गा मनहरी तिमिल्सिनाले किन्न लागेकोमा बस्ताकोटीले छिटो र सुलभ तरिकाले जग्गा पास गरी लालपुर्जा समेत तपाईहरूलाई दिन्छु भन्दै विश्वास दिलाई नगद २५ हजार रुपैयाँ लिएको कास्की प्रहरीको भनाई छ । तर पैसा लिएपछि पनि वस्ताकोटीले काम नगरेपछि पीडितले प्रहरीमा खबर गरेका थिए ।

पीडितको सूचनाको आधारमा वडा प्रहरी कार्यालय बैदामबाट खटिएको टोलीले वस्ताकोटीलाई २५ हजार रुपैयाँ नगद सहित पक्राउ गरेको थियो । पक्राउ परेका वस्ताकोटीलाई कास्की जिल्ला अदालतबाट ५ दिनको म्याद थप गरी अनुसन्धान शुरु गरिएको जिल्ला प्रहरी कार्यालय कास्कीले जारी गरेको विज्ञप्तिमा उल्लेख छ ।

प्रतिक्रिया