News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

मुख्यन्यायाधिवक्ता बाँस्तोलाले मुख्यमन्त्री पोखरेललाई पटकपटक पृथ्वीसुब्बा गुरुङ भनेपछि …

पोखरा, १७ असोज । प्रदेश सरकारले गरेका काम कारवाहीमा कानूनी प्रश्न उठ्दा त्यसको प्रतिरक्षा गर्ने दायित्व मुख्यान्यायाधिवक्ताको हुन्छ । त्यसैले मुख्यमन्त्रीको सिफारिसमा सम्बन्धित प्रदेश प्रमुखले मुख्यन्यायाधिवक्ता नियुक्त गर्ने प्रचलन छ । यसबाट पनि मुख्यमन्त्री र मुख्यन्यायाधिवक्ताबीच निकट र गहिरो सम्बन्ध हुनुपर्छ भन्ने कुरा स्पष्ट हुन्छ ।

तर शनिबार पोखरामा भएको विन्ध्यवासिनी धार्मिक क्षेत्र विकास समितिले प्रदान गर्ने हेमदेवी धर्म, संस्कृति तथा समाजसेवा पुरस्कार अर्पण समारोहमा गण्डकी प्रदेशका मुख्यमन्त्री कृष्णचन्द्र पोखरेल नेपाली प्रमुख अतिथी बनेको कार्यक्रममा मुख्यन्यायाधिवक्ता रोहितराज बाँस्तोलाले पटकपटक गण्डकी प्रदेशका मुख्यमन्त्री ‘पृथ्वीसुब्बा गुरुङ’ भनी सम्बोधन गरे । मञ्चासिन र मञ्चाभिमुख रहेका सहभागी गलल्ल हाँसे पछि मुख्यन्याधिवक्ताले क्षमा माग्दै आफ्नो मन्तव्यलाई अघि बढाए ।

तथापि माफी मागेको केही क्षणमै पुनः गण्डकी प्रदेशका मुख्यमन्त्री ‘पृथ्वीसुब्वा गुरुङ’ नै भनी दो¥याए । र, लगत्तै माफी माग्दै पुनः सच्चाएर अघि बढे । यस घटनाले मुख्यन्यायाधिवक्ता बाँस्तोलामाथि गण्डकी प्रदेशका पूर्वमुख्यमन्त्री पृथ्वीसुब्वाको गहिरो छाप परेको कुरालाई नकार्न सकिने अवस्था थिएन ।

मुख्यमन्त्री पोखरेलको रोजाईमा केही वरिष्ठ अधिवक्ताको आकाँक्षालाई असफल पार्दै मुख्यन्यायाधिवक्ता बन्न सफल बाँस्तोला मन्तव्यकै क्रममा पनि निकै लज्जित देखिएका थिए । उक्त कार्यक्रममा सहभागी भई मुख्यन्यायाधिवक्ता बाँस्तालाको मन्तव्य सुनेका एक बुद्धिजीवीले उनीमाथि पूर्वमुख्यमन्त्री गुरुङको गहिरो छाप र प्रभाव रहेको कुरा स्पष्ट भएको दावी गरे ।

विन्ध्यवासिनी धार्मिक क्षेत्र विकास समितिले प्रदान गर्ने हेमदेवी धर्म, संस्कृति तथा समाजसेवा पुरस्कार यस वर्ष वरिष्ठ लोकसंस्कृतिविद् एवं कवि तुलसी दिवसलाई प्रदान गरिएको छ । हरेक दुई वर्षमा प्रदान गरिने यस पुरस्कारको राशि एक लाख रुपियाँ छ । त्यसक्रममा मुख्यन्याधिवक्ता बास्तोलालाई पनि बधाई ज्ञापन गरिएको थियो । बास्तोला विन्ध्यवासिनी धार्मिक क्षेत्र विकास समितिका कानूनी सल्लाहकार समेत हुन् । मुख्यमन्त्री पोखरेलका प्रेस संयोजक भरत कोइरालाले उक्त कार्यक्रमको समाचार सम्प्रेषण गरेका थिए । तर उनले मुख्यन्यायाधिवक्ता बास्तोला दुईपटक सम्म चिप्लिएरको विषय भने कहींकतै उल्लेख गरेका छैनन् ।