News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

‘हतारोमा कुनै पनि अनुचित निर्णयमा जान वाञ्छनीय नहुने’

'छलफलका लागि नेपाल–खनाल समूहलाई प्रधानमन्त्री ओलीको आग्रह'

काठमाडौं । प्रधानमन्त्री खड्गप्रसाद ओलीले नेपाल खनाल समूहका नेताहरुलाई आन्तरिक मतभेद वा असुन्तुष्टि केही भए आपसी छलफलबाट समाधान गर्न सकिने बताएका छन् ।

आज सोमबार विहान ट्वीट गर्दै प्रधानमन्त्री ओलीले सामूहिक राजीनामा गर्दै पार्टी विभाजनको संघारमा पुगेका नेपाल–खनाल समूहका कार्यकर्तालाई छलफल गरेर समस्या समाधान गर्न आग्रह गरेका हुन् ।

प्रधानमन्त्री ओलीले आफ्नो ट्विटमा लेखेका छन्, “यस्तो अवस्थामा आन्तरिक मतभेद वा असन्तुष्टि केही भए आपसी छलफलबाट समाधान गर्न सकिने नै छ। तसर्थ, हतारोमा कुनै पनि अनुचित निर्णयमा जान वाञ्छनीय नहुने कुरामा म सबै माननीयज्यूहरूको ध्यानाकर्षण गराउन चाहन्छु। आउनुस्, केही समस्या भए सँगै बसौं, छलफल गरौं र समाधान गरौँ ।”

प्रधानमन्त्री ओलीले नेपाल–खनाल समूहले दिएको अल्टिमेटमका विषयमा कुनै सम्बोधन नगरेको भन्दै सामूहिक राजीनामा दिने भन्दै छलफलमा जुटेका थिए । तर प्रधानमन्त्री ओलीको यस्तो धारणा सार्वजनिक भए लगत्तै उनीहरु आज विश्वासको मत दिन संसदमा नजाने निर्णय गर्दै राजीनामालाई स्थगित गरेका छन् ।

प्रतिक्रिया