News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार

छात्रालााई बलात्कार गरेको आरोपमा पूर्वशिक्षक पक्राउ

'पूर्वशिक्षक लामालाई कडा भन्दा कडा कारवाही होस्': प्राचार्य भट्ट

गोरखा । पोखरामा राष्ट्रिय माध्यमिक विद्यालयका एक शिक्षकले परीक्षा दिने वाहनामा छात्रालाई होटलमा पु¥याएर बलात्कारको प्रयास गरेकोमा जेल चलान भएको घटना सेलाउन नपाउँदै गोरखामा पनि यस्तै घटना दोहोरिएको छ ।

गोरखाको आरुघाटस्थित नेपालिज एड्भान्स बोर्डिङ स्कुलका पूर्वशिक्षक २९ वर्षीय शम्भु लामालाई प्रहरीले एक १४ वर्षकी नाबालिका छात्रालाई बलात्कार गरेको आरोपमा पक्राऊ गरेको छ । शिक्षक लामाको चालचलन ठिक नदेखिएपछि विद्यालयले उनलाई गत वैशाख १२ गते नै जागिरबाट निकालि दिएको थियो ।

‘हामीलाई शिक्षक लामाको गतिविधि त्यति सहज नलागेपछि विद्यालयबाट वैशाख १२ गते अगाडि नै विदाई गरिदिएका थियौं,’ नेपालिज एड्भान्स बोर्डिङ स्कुलका प्राचार्य भोजराज भट्टले डन न्यूजसँग भने–‘विद्यालय छाडेर गईसकेपछि नाबालिकामाथि यस्तो जघन्य अपराध गरेको घटना सुन्दा हामी धेरै दुःखी भएका छौं । दोषीलाई कडा भन्दा कडा कारवाही होस् ।’

दोलखाको भीमेश्वर नगरपालिका वडा नं. ९ का स्थायीवासिन्दा लामालाई प्रहरीले काठमाडौंस्थित सुन्धाराको एक होटलबाट १४ वर्षीय बालिकासहित पक्राउ गरेको हो । विद्यालय छाडेर गएपनि ती पूर्वशिक्षकले आफैंले पढाएकी ती छात्रालाई ललाई फकाई गरी गोरखाबाट काठमाडौं ल्याएर बलात्कार गरेका थिए । प्रहरीले पूर्वशिक्षक लामालाई नाबालिका बलात्कारको अभियोगमा पक्राउ गरी थप अनुसन्धान अगाडि बढाएको छ ।

प्रतिक्रिया