बुटवल । बस र टिपर आपसमा ठोक्किँदा बसमा सवार पाँचजनाको मृत्यु भएको छ । बाँकेको कोहलपुर नगरपालिका– १२ रोहिणी खोला आर्मि ब्यारेक नजिकै मे १ ख ३३४७ नम्बरको बस र टिपर हिजो बेलुका करिब ७ बजे आपसमा ठोक्किएको प्रहरीले जानकारी दिएको छ ।

सुर्खेत साटाखानी निवासी जीवनकुमार न्यौपानेको घटनास्थलमै मृत्यु भएको थियो भने अन्य चारको उपचारका क्रममा शिक्षण अस्पताल कोहलपुरमा मृत्यु भएको हो । सो बसमा ३९ जना यात्रु सवार थिए । सबै यात्रु घाइते भएकोमा ९ जनाको अवस्था गम्भीर रहेको छ ।

घाइते सबैको उद्धार गरी नेपालगन्ज मेडिकल कलेज शिक्षण अस्पताल कोहलपुरमा पु¥याइएको जिल्ला प्रहरी कार्यालय बाँकेका प्रवक्ता एवम् डिएसपी सुवास खड्काले जानकारी दिए ।