News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

नेपाल पक्षले गर्यो ‘फ्लोर क्रस’, जोगियो कर्णाली सरकार

तुहियो मुख्यमन्त्री बन्ने एमालेका सांसद यामलाल कँडेलको सपना

सुर्खेत। नेकपा एमालेको माधवकुमार नेपाल पक्षले ‘फ्लोर क्रस’ गरेपछि कर्णाली प्रदेश सरकार जोगिएको छ । आज प्रदेश सभामा विश्वासको मत लिएका मुख्यमन्त्री महेन्द्रबहादुर शाहीले बहुमत जुटाउन सफल भएका हुन् ।

मुख्यमन्त्री शाहीको पक्षमा २२ मत र विपक्षमा जम्मा १५ मत परेको थियो । आज भएको मतदानमा ३७ जना सांसद उपस्थित भएका थिए । प्रदेश सभामा सभामुखसहित एमालेका २० जना सांसद छन् । नेपाली कांग्रेसका ६ सांसद, माओवादी केन्द्रका १२ सांसद रहेका छन् ।

माधव नेपाल पक्षका पूर्वमन्त्री प्रकाश ज्वाला, कुर्मराज शाही, अम्मरबहादुर थापा र नन्दसिंह बूढाले ‘फ्लोर क्रस’ गर्दै शाहीको प्रस्तावको पक्षमा मतदान गरेका थिए । त्यसो त, सोही समयमा रुकुमकी देवी वलीले पनि फ्लोर क्रस गरेकी थिइन् । तर उनले पछि मत सच्याएकी हुन् ।

नेकपा एमालेको माधवकुमार नेपाल पक्षका चार जनाल ‘फ्लोर क्रस’ गरेर नेकपा माओवादी केन्द्रका संसदीय दलका नेतासमेत रहेका मुख्यमन्त्री शाहीका पक्षमा मतदान गरेपछि कर्णाली सरकार जोगिएको हो । आज भएको मतदानमा कांग्रेसले पनि समर्थन गरेको थियो ।
एमालेका सांसदले नै ‘फ्लोर क्रस’ गरेपछि एमालेका सांसद यामलाल कँडेलको मुख्यमन्त्री बन्ने सपना तुहिएको हो ।

प्रतिक्रिया