पोखरा । ६४ औं राष्ट्रिय सहकारी दिवसको अवसरमा पामे बचत तथा ऋण सहकारी संस्थाले पामे बजारको सरसफाइ गरेको छ । सोही स्थानमा कार्यालय रहेको सहकारीले पामे बजार, फेवातालमा पानी आउने खोलाहरुमा सरसफाई गरेको संस्थाका व्यवस्थापक सूर्यमोहन पराजुलीले जानकारी दिए ।

आन्तरिक तथा वाह्य पर्यटकहरुका लागि स्वादिलो लोकल माछा र दृश्यावलोकनको आकर्षक गन्तव्य पामेमा पछिल्लो समय झनै आन्तरिक पर्यटकहरुको चहलपहल निकै बढ्दै गईरहेको छ । सिङ्गो पोखराको पर्यटनको आकर्षक र पञ्चासे यात्राको प्रस्थान विन्दु बनेको पामेलाई विभिन्न संघसंस्थासँग समन्वय गरेर सरसफाई लगायत विविध कार्यक्रमहरुलाई निरन्तरता दिने व्यवस्थापक पराजुलीको भनाई थियो ।

सरसफाई कार्यक्रममा फेवा क्लब पामे, फेवा आमा समुह पामे, सिर्जनशिल आमा समुह पामे, गैरी गाउँ र प्रहरी चौकी मासेको सहभागिता रहेको थियो ।