News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

ओली पक्षलाई काउन्टर दिदैं एमाले भित्र समानान्तर कमिटी गठन

'आज बसेको नेपाल र खनाल पक्षको केन्द्रीय समिति बैठकले समानान्तर कमिटी बनाएको हो'

काठमाडौं । नेकपा एमालेका अध्यक्ष एवम् प्रधानमन्त्री खड्गप्रसाद ओलीले माधव नेपाल र झलनाथ खनाल पक्षलाई पाखा लगाउँदै विभिन्न कमिटी बनाएपछि नेपाल र खनाल पक्षले पनि समानान्तर कमिटी गठन गरी ओली पक्षलाई काउन्टर दिएको छ ।

आज बसेको नेपाल पक्षको केन्द्रीय समिति बैठकले ओली पक्षलाई काउन्टर दिनका लागि समानान्तर कमिटी बनाएको हो । शुक्रबार प्रधानमन्त्री तथा एमाले अध्यक्ष ओली पक्षको केन्द्रीय समिति बैठकले जिम्मेवारी हेरफेर गर्दै केन्द्रीय समितिमा नयाँ सदस्य थप गरेको थियो ।

नेपाल पक्षको केन्द्रीय समिति बैठकले प्रदेश नम्बर–१ को संयोजकमा भीम आचार्य, प्रदेश नम्बर–२ मा घनश्याम भुसाल, वाग्मती प्रदेश संयोजकमा अष्टलक्ष्मी शाक्य, गण्डकी प्रदेश संयोजकमा सुरेन्द्र पाण्डे छन् । लुम्बिनी र कर्णाली प्रदेश संयोजकमा युवराज ज्ञवाली र सुदूरपश्चिम प्रदेश संयोजनको जिम्मेवारी भीम रावललाई दिएको छ ।

युवा संगठनको जिम्मेवारी रघु पन्त, विद्यार्थी संगठन विभाग प्रमुख गोकर्ण विष्ट, प्रचार विभाग प्रमुख योगेश भट्टराईलाई बनाएको छ । महिला विभाग प्रमुख अष्टलक्ष्मी शाक्य, वुद्धिजिवी विभाग प्रमुख प्रमेश हमाल, कानुन विभागको प्रमुखको जिम्मेवारी गोविन्द वन्दी र टीकाराम भट्टराईलाई दिएको छ ।

प्रतिक्रिया