News Portal

ताजा शिर्षकहरु

चर्चित शिर्षकहरु

क्राईम–न्यूज प्रमुख समाचार स्वास्थ्य

एसिड छ्याप्नेलाई कारवाही गर्न कडा कानून निर्माण

'क्षतिअनुसार कडाभन्दा कडा सजाय, पीडितको शिक्षा, स्वास्थ्यको सरकारले जिम्मा लिनेगरी कानून निर्माण'

स्केच साभार

काठमाडौं । कृषि तथा पशुपक्षी विकासमन्त्री पद्माकुमारी अर्यालले एसिड आक्रमण गरी बालिका तथा महिलाको जीवन बर्बाद गरिदिने अपराधीलाई कारवाही गर्न सरकारले कडा कानून निर्माण गरेको बताउनुभएको छ ।

एक सय ११औँ अन्तर्राष्ट्रिय श्रमिक महिला दिवसको सन्दर्भमा सामुदायिक वन उपभोक्ता महासङ्घले आज काठमाडौँमा आयोजना गरेको ‘प्राकृतिक स्रोत व्यवस्थापनमा महिलाको योगदान’ विषयक अन्तरसंवादमा मन्त्री अर्यालले विश्वका महिला धेरै अगाडि बढिरहँदा अहिले पनि नेपालका महिला असुरक्षित रहेको भन्दै विभिन्न निहुँमा किशोरीमाथि एसिड प्रहार गर्ने र उनीहरुको जीवन कुरूप बनाइदिने अपराधीलाई कारवाही गर्न सरकारले कडा कानूनको व्यवस्था गरेको बताउनुभयो ।

“एसिड छर्किएर हाम्रा किशोरी, महिलाको जीवन बर्बाद पार्ने, जीवनभर कुरूप बनाइदिने घटना बढ्दै गए । हामीसँग एसिडसम्बन्धी कानून रहेनछ”, उहाँले भन्नुभयो, “त्यसकारण सरकारले क्षतिअनुसार कडाभन्दा कडा सजाय हुनेगरी अपराधीलाई कारवाही गर्न कडा कानूनको व्यवस्था गरेको छ । सँगै पीडितको शिक्षा, स्वास्थ्यको सरकारले जिम्मा लिनेगरी कानून निर्माण भएको छ ।”

महिला जागरणमा सामुदायिक वन महासङ्घको ठूलो भूमिका रहेको भन्दै उहाँले आफ्नो सङ्गठन संरचनाभित्र ५० प्रतिशत महिला सहभागिता पु¥याएर अरुलाई पनि ठूलो पाठ सिकाउन सफल भएको बताउनुभयो । त्यस अवसरमा सामुदायिक वन संरक्षण तथा प्रकृति संरक्षण अभियानमा योगदान गर्ने महिलालाई सम्मानित गरिएको थियो ।

प्रतिक्रिया