News Portal

ताजा शिर्षकहरु

चर्चित शिर्षकहरु

प्रमुख समाचार राजनीति

छात्राहरुको सुरक्षाका लागि अनिवार्य तालिमको माग

'पछिल्लो समय झन् महिला तथा बालबालिकाहरुको सुरक्षाको अवस्था अत्यन्तै कमजोर' : अध्यक्ष पुन

पोखरा । नेत्रविक्रम चन्द ‘विप्लव’ नेतृत्वको प्रतिबन्धित नेपाल कम्युनिष्ट पार्टी निकट विद्यार्थी संगठन अखिल (क्रान्तिकारी) कास्कीले छात्राहरुको सुरक्षा तथा आत्मरक्षाका लागि भन्दै अनिवार्य तालिमको माग गरेको छ ।

पोखरा महानगरपालिकाका मेयर मानबहादुर जिसीलाई केन्द्रीय संघर्षको कार्यक्रम अनुसार अखिल (क्रान्तिकारी) कास्कीका अध्यक्ष पवन पुनले मागपत्र बुझाएका हुन् । मागपत्रमा निर्मला पन्त, सम्झना कामी, भागरथी भट्ट लगायत देशभर महिला तथा छात्राहरुमाथि भईरहेको बलात्कार, हत्या, हिंसाका घटनाको निष्पक्ष छानबिन गरी घटनामा संलग्न दोषीलाई कडा कारवाही गर्न र पीडितलाई उचित क्षतिपूर्तिसहित न्याय दिन ठोस पहल गरियोस् भनी उल्लेख गरिएको छ ।

स्थानीय निकायमा रहेका स्कुल कलेजमा पढ्ने छात्राहरुको आत्मसुरक्षाको लागि विशेष तालिम तथा सुरक्षाको ग्यारेन्टी गरियोस् भन्दै पछिल्लो समय झन् महिला तथा बालबालिकाहरुको सुरक्षाको अवस्था अत्यन्तै कमजोर भएको विज्ञप्तिमा उल्लेख छ ।

व्यक्तिगत सत्ता लिप्सा, भ्रष्टाचार, नातावाद, कृपावादमा केन्द्रीत वर्तमान सरकार यस्ता घटनाहरुमा निरिह र लाचार बनेको भन्दै यस्तो अवस्थामा अखिल (क्रान्तिकारी)को गम्भिर ध्यानाकर्षण भएको अध्यक्ष पवन पुनले विज्ञप्ति मार्फत् जनाएका छन् ।

डनन्यूज ट्रेन्डिङ