News Portal

ताजा शिर्षकहरु

चर्चित शिर्षकहरु

क्राईम–न्यूज समाचार

पोखराका विभिन्न घटनामा तीनजना मृत भेटिए

'पोखरा–१५ पट्नेरीस्थित सोही वडाका ४२ वर्षीय मजदुर गोपी आचार्यको ब्लकको ढिस्को खस्न गई मृत्यु'

पोखरा । पोखरामा विभिन्न घटनाका कारण तीनजना मृत अवस्थामा भेटिएका छन् । दुईजनाको मृत्युको कारण खुल्न सकेको छैन भने एकजनाको घर भत्काउने क्रममा च्यापिएर मृत्यु भएको गण्डकी प्रदेश प्रहरी कार्यालय पोखराले जानकारी दिएको छ ।

गण्डकी प्रदेश प्रहरी कार्यालय पोखराका प्रहरी उपरीक्षक विनोद सिलवालका अनुसार आज पोखरा–१३ आर्वा अमलचौरस्थित सडक छे्उमा वस्ने वर्ष ५५ का दधिराम परियार मृत अवस्थामा भेटिएका थिए ।

त्यसैगरी, पोखरा–२४ कास्कीकोटस्थित वडा कार्यालय अगाडि रहेको पोखरीमा पोखरा–२८ बस्ने वर्ष २८ का विश्वरञ्जन तिमिल्सिनाको शव भेटिएको थियो । प्रहरीका अनुसार विश्वरञ्जनको शव घोप्टो अवस्थामा तैरी रहेको थियो । माथिका यी दुई घटनाका विषयमा प्रहरीले थप अनुसन्धान अगाडि बढाई सकेको छ ।

घर भत्काउने क्रममा पोखरा–१५ पट्नेरीस्थित सोही वडाका ४२ वर्षीय मजदुर गोपी आचार्यको ब्लकको ढिस्को खस्न गई मृत्यु हुन पुगेको छ । तारा थापामगरको एक तले ब्लकले बनेको कच्ची घर भत्काउँदा घाईते भएका गोपीको उपचारका क्रममा गण्डकी मेडिकल कलेज पोखरा लैजाने क्रममा मृत्यु भएको गण्डकी प्रदेश प्रहरी कार्यालय पोखराले जानकारी दिएको छ ।

प्रतिक्रिया