पर्वत, २ साउन। पर्वतमा शनिबार भएको ट्र्याक्टर दुर्घटनामा परी दुई जनाको ज्यान गएको छ भने एक जना घाइते भएका छन्।

कुश्मा नगरपालिकाबाट ज्ञादीको साइकलचोकतर्फ जाँदै गरेको ग १ त ७२७३ नम्बरको ट्र्याक्टर दोबिल्ला–फलेवास सडकखण्डअन्तर्गत कुश्मा नगरपालिका-९ एकोहोरेपाठास्थित सडकबाट करिब १०० मिटर तल खसेको थियो। उक्त दुर्घटनामा परी ट्र्याक्टर चालक २८ वर्षीय सुजन नेपाली र ट्र्याक्टरमा सवार १४ वर्षीय शिशिर लामिछानेको मृत्यु भएको जिल्ला प्रहरी कार्यालय पर्वतले जनाएको छ।

जिल्ला प्रहरी कार्यालयका प्रहरी निरीक्षक दिनेश पौडेलका अनुसार दुर्घटनालगत्तै घाइतेहरूलाई उद्धार गरी उपचारका लागि प्रदेश अस्पताल पर्वत पु¥याइएको भए पनि चिकित्सकहरूले दुवै जनालाई मृत घोषणा गरेका थिए। चालक नेपाली कुश्मा–७ का बासिन्दा हुन् भने लामिछाने कुश्मा–९ साइकलचोकका हुन्। घटनाबारे थप अनुसन्धान भइरहेको प्रहरीले जनाएको छ।