पोखरा । पछिल्लो २४ घण्टामा गण्डकी प्रदेशमा आजमात्र कोरोना संक्रमित एकसय ६७ जना निको भएका छन् । आजसम्म ६ हजार तीनसय ९८ जना निको भईसकेको स्वास्थ्य निर्देशनालय गण्डकी प्रदेशले जानकारी दिएको छ ।
त्यसैगरी, आजमात्र पाँचसय छपन्नजनामा गरिएको कोरोना परीक्षणमा एकसय २९ जना कोरोना संक्रमित भेटिएका छन् । यस प्रदेशमा होम आईसोलेसनमा तीनहजार ६सय ९८ जना रहेका छन् । सक्रिय संक्रमितको संख्या यस प्रदेशमा चारहजार ६ सय ५१ रहेको छ ।

त्यसैगरी आजसम्म यस प्रदेशमा एकलाख ४७ हजार ६१ जनाको कोरोना परीक्षण गरिएको छ । जसमा ११ हजार एकसय ९० जना कोरोना संक्रमित भेटिएका छन् । त्यसैगरी ९३ हजार पाँचसय ७१ जनालाई कोरोना नेगेटिभ रिपोर्ट आईसकेको छ । हालसम्म यस प्रदेशमा कोरोना संक्रमण भएका एकसय ४१ जनाको मृत्यु भईसकेको छ ।

देशभरी नै पछिल्लो २४ घण्टामा थप एक हजार नौंसय ८० जनामा कोरोना भाइरस संक्रमण पुष्टि भएको छ । स्वास्थ्य तथा जनसङ्ख्या मन्त्रालयलका अनुसार पछिल्लो २४ घण्टामा १० हजार ३८१ जनाको नमूना परीक्षण गर्दा एक हजार १९१ पुरुष र ७८९ महिला गरी कूल एक हजार ९८० जनामा कोरोना सङ्क्रमण पुष्टि भएका हुन् । थपिएका कूल सङ्क्रमितमध्ये काठमाडौँ उपत्यकामा मात्रै ९५७ जना छन् ।

योसँगै नेपालमा हालसम्म कोरोना सङ्क्रमितको सङ्ख्या दुई लाख २२ हजार २८८ पुगेको छ । पछिल्लो २४ घण्टामा तीन हजार ४३ जना कोरोना भाइरस सङ्क्रमणमुक्त भएका छन् । हालसम्म सङ्क्रमणमुक्त हुनेको सङ्ख्या दुई लाख दुई हजार ६७ पुगेको छ । हाल मुलुकभर सक्रिय सङ्क्रमितको सङ्ख्या १८ हजार ८८४ रहेको मन्त्रालयले जनाएको छ ।

मन्त्रालयका अनुसार सङ्क्रमितमध्ये होम आइसोलेशनमा १२ हजार २७१, अस्पतालको सघन उपचार कक्ष (आइसियु) मा ३६५ र भेन्टिलेटरमा ६३ जना रहेका छन् । पछिल्लो २४ घण्टामा कोरोना सङ्क्रमणका कारण थप १६ जनाको मृत्यु भएको छ । योसँगै नेपालमा हालसम्म कोरोना सङ्क्रमणबाट मृत्यु हुनेको सङ्ख्या एक हजार ३३७ पुगेको मन्त्रालयले जनाएको छ ।