तनहुँ, २४ फागुन । गण्डकी प्रदेशको तनहुँ प्रतिनिधिसभा निर्वाचन क्षेत्र नं. २ मा राष्ट्रिय स्वतन्त्र पार्टी (रास्वपा)का उम्मेदवार ईञ्जिनियर श्रीराम न्यौपाने निर्वाचित भएका छन् ।

उनले ३२,६८७ मत प्राप्त गर्दै विजयी घोषित भएका हुन् । यो क्षेत्रमा नेपाली कांग्रेसका उम्मेदवार शंकर भण्डारीले १४,१३५ मत प्राप्त गरेका छन् । न्यौपानेले निकटतम प्रतिद्वन्द्वीलाई दोब्बरभन्दा बढी मतान्तरले पराजित गरेका छन् ।

अन्य प्रमुख उम्मेदवारहरूको मत यस प्रकार रहेको छ ।
केदार सिग्देल (नेकपा (एमाले)) – ११,६६८ मत
सोम बहादुर थापा (नेकपा) – १,९५३ मत
याम बहादुर ठकुरी (राप्रपा) – १,११७ मत
सुस्मा आले (मंगोल नेशनल अर्गनाइजेसन) – ४९५ मत
पूर्ण बहादुर राना (नेपाल जनमुक्ति पार्टी) – १७२ मत
गणेश बहादुर लामगादे (नेकपा (माओवादी)) – १२२ मत
नम बहादुर राना (नेशनल रिपब्लिक नेपाल) – १०५ मत
लाल बहादुर सार्की (गोतामे) (राष्ट्रिय जनमुक्ति पार्टी) – ९५ मत
लक्ष्मण अधिकारी (नेपाल मजदुर किसान पार्टी) – ३० मत

यो क्षेत्रमा कुल १ लाख २७ हजार ५१५ मतदाता रहेकोमा करिब ६६ हजार ७७२ मत खसेको थियो । मतगणना सम्पन्न भएपछि निर्वाचन अधिकृतको कार्यालय शुक्लागण्डकीले न्यौपानेलाई विजयी घोषणा गरेको हो ।

राष्ट्रिय स्वतन्त्र पार्टीको केन्द्रीय ऊर्जा विभाग प्रमुख समेत रहेका इन्जिनियर न्यौपानेले यो क्षेत्रमा युवा तथा स्वतन्त्र राजनीतिको मुद्दालाई अगाडि बढाउँदै ठूलो मतान्तरसहित जित हासिल गरेका छन् ।