पोखरा, १९ जेठ । सार्वजनिक यातायात व्यवसायीहरु आन्दोलनमा उत्रिई रहँदा उल्टैं राईड सेयरिङ कम्पनी र राइडरहरुले लुट मच्चाएका छन् । पोखरामा बढी भाडा असुल्ने २३ जना राईडरहरुलाई प्रहरीले पक्राउ गरेर कारवाही गरेको छ ।

बढी भाडा असुल्ने २३ जना इनड्राइभ राईडरहरुलाई जिल्ला प्रहरी कार्यालय कास्कीले कारवाही गरेको छ । दुई दिनको अवधिमा जिप्रका कास्कीबाट खटिएको प्रहरी टोलीले अनुगमन गर्दा विभिन्न स्थानबाट २३ जना चालक र सवारीसाधन नियन्त्रणमा लिएको थियो ।

यातायात व्यवस्था ऐन २०४९ अनुसार चेकजाँच गर्ने क्रममा बढी भाडा लिएको पाईएको हुँदा कारवाही गरिएको जिप्रका कास्कीका प्रवक्ता डीएसपी हरि बहादुर बस्नेतले जानकारी दिए ।

यातायात व्यवसायीले सार्वजनिक सवारी बन्द गरेको अवस्थामा राम्रो सेवा प्रदान गरेर मन जित्नु पर्नेमा उल्टैं मौकाको फाईदा उठाउँदैं राइड सेयरिङ सञ्चालकहरूले मनपरी भाडा असुलेपछि सर्वसाधारणहरु रुष्ट भएका छन् । साधन फरक तर ठगी झन् मौंलाउन थालेपछि यसले इनड्राइभ राईडरहरुप्रति नकारात्मक धारणा बन्दैं गईरहेको छ । त्यसो त चाडपर्वको समयमा समेत राइड सेयरिङ कम्पनीहरूले चर्को भाडा असुले पछि यसको व्यापक विरोध भएको थियो ।

सार्वजनिक यातायात व्यवसायीको आन्दोलनले सर्वसाधारणलाई सास्ती परेको बेलामा राइड सेयरिङ कम्पनी र राइडरहरूले मौकाको फाइदा उठाउँदै उच्च भाडा असुलेपछि यात्रुहरू दोहोरो मारमा परेका छन् ।

गण्डकी प्रदेश सरकारले राइड सेयरिङ र सेल्फ ड्राइभलाई मान्यता दिने नियमावली लागू गरेपछि यातायात व्यवसायीहरूले प्रदेशभर सार्वजनिक यातायात सेवा ठप्प पारेर देशव्यापी रुपमा नैं आन्दोलन गरिरहेका छन् ।

नेपाल यातायात व्यवसायी राष्ट्रिय महासंघको नेतृत्वमा चलिएको यो आन्दोलनले गर्दा लामो र छोटो दूरीका बस, ट्याक्सी र सार्वजनिक ढुवानी सेवा सबै अवरुद्ध भएका छन् । यस्तो अवस्थामा राइड सेयरिङ कम्पनी र राईडरहरुले ठगी गर्न थालेपछि झन् यसप्रति आममानिसहरुमा नकारात्मक प्रभाव बढ्न थालेको छ ।

जिल्ला प्रहरी कार्यालय कास्कीको टोलीले नियन्त्रणमा लिएका सवारी साधनहरु :