पोखरा, १३ जेठ । नेकपा एमाले निकट राष्ट्रिय युवा संघको  नयाँ नेतृत्व चयनका लागि भएको मतदान सकिएको छ । मतदानमा कुल १ हजार ४०४ मत खसेको छ ।

‘मतदान सकिएपछि अहिले मुचुल्का उठाउने काम भइरहेको छ,’ निर्वाचन अधिकृत चिरञ्जीवी पोखरेल–‘अब ३ घण्टामा नतिजा आउन सक्छ ।’

युवा संघको निर्वाचनमा १ हजार ७६४ कूल प्रतिनिधि मतदाता थिए । युवा संघको १० औं महाधिवेशनमा क्षितिज थेबे र सुमन पुरी प्यानलबीच प्रतिस्पर्धा भएको थियो । आज मंगलबार बिहानदेखि सुरु भएको मतदान केही समय अघिमात्र सकिएको हो ।