पोखरा, २६ मंसिर । कास्की जिल्लाको विभिन्न स्थानमा प्राकृतिक नदीजन्य पदार्थ ढुङ्गा, गिट्टी र वालुवा उत्खनन् गरी फर्जी बिल समेत बनाई चोरी निकासी गरेको भन्दै ५६ वटा सवारी साधन नियन्त्रणमा लिएको छ ।

जिल्ला प्रहरी कार्यालय कास्की तथा मातहत समेतबाट खटिएको प्रहरी टोलीले अवैध रुपमा नदीजन्य पदार्थ ढुङ्गा, गिट्टी, बालुवा ओसारपोसार गर्ने, भ्याट बिल नभएका, कागजपत्र नभएका, फर्जी बिल बनाएका ५६ वटा ट्रक, टिप्पर र ट्रयाक्टर नियन्त्रणमा लिएको थियो ।

प्रहरीले नियन्त्रणमा लिएका सवारी साधनहरुलाई आवश्यक कारवाहीको लागि पोखरा महानगरपालिकामा पठाएको छ ।