News Portal

ताजा शिर्षकहरु

चर्चित शिर्षकहरु

क्राईम–न्यूज समाचार

लागूऔषध सहित तीनजना युवा पक्राउ

पोखरा, ५ मंसिर । लागूऔषध नियन्त्रण व्यूरो शाखा कार्यालय पोखरा र जिल्ला प्रहरी कार्यालय कास्कीले लागूऔषधसहित तीन युवालाई पक्राउ गरेको छ । आइतबार पौने ६ बजेको समयमा लागूऔषध नाईट्रोभ्याटसहित पक्राउ गरी जिल्ला अदालत कास्कीबाट १० दिनको म्याद थप गरेर अनुसन्धान प्रकृया अगाडि बढाएको छ ।

प्रहरीले उदयपुर घर भई हाल पोखरा–५ मालेपाटन बस्ने २३ बर्षीय जीवन विकलाई पोखरा–८ आलुमाइलाचोकस्थित सडकमा शंकास्पद अवस्थामा फेलापारी चेकजाँच गर्ने क्रममा ५ चक्की नाईट्रोभ्याट बरामद गरेको हो ।

विकलाई सोधपुछ गर्ने क्रममा अर्घाखाँची स्थायी घर भई पोखरा–८, सितलमार्ग बस्ने २५ वर्षीय प्रविण पौडेलको साथबाट पाँचसय सात चक्की लागूऔषध नाईट्रोभ्याट बरामद भएको थियो । त्यसैगरी अनुसन्धानका क्रममा पोखरा–९, संगममार्ग बस्ने २३ वर्षीय कुशल विक्रम खाँण ठकुरीको साथबाट तीनसय चक्की नाईट्रोभ्याट बरामद भएको थियो । अनुसन्धानका क्रममा विकले पौडेल र ठकुरीलाई पनि चिनाएका थिए । प्रहरीले तीनैजनालाई नियन्त्रणमा लिएर लागूऔषध सम्बन्धी मुद्दामा अनुसन्धान अगाडि बढाएको छ ।

डनन्यूज ट्रेन्डिङ