पोखरा, २० कार्तिक । लागूऔषध ब्राउनसुगरसहित प्रहरीले तीनजनालाई पक्राउ गरेको छ । पोखरा–२१ कश्यारघाटमा लागूऔषध बेचबिखन भएको गोप्य सूचनाको आधारमा जिल्ला प्रहरी कार्यालय कास्की, वडा प्रहरी कार्यालय बैदाम र लागूऔषध नियन्त्रण ब्यूरो शाखा कार्यालय पोखराको संयुक्त टिमले ती युुवालाई पक्राउ गरेको हो ।

पोखरा–१७ दोभिल्लाका २१ बर्षीय कौशल पुनमगर, पोखरा–१३ बाँझापाटनका २१ बर्षीय प्रशान्त गुरुङ र पोखरा–२१ कस्यारका २१ बर्षीय असिम सुनारलाई प्रहरीले पक्राउ गरेको हो । उनीहरुको साथबाट प्रहरीले ब्राउनसुगर जस्तो देखिने खैरो पदार्थ १२ ग्राम ४० मिलिग्राम समेत भेट्टाएको छ । पक्राउ परेकाहरुलाई कास्की जिल्ला अदालतबाट १० दिनको म्याद थप गरी लागूऔषध सम्बन्धी मुद्दामा अनुसन्धान प्रकृया अगाडि बढाईएको जिल्ला प्रहरी कार्यालय कास्कीले पठाएको ईमेलमा उल्लेख गरिएको छ ।