पोखरा, २६ भदौं । पोखरा वडा नं. १२ माटेपानी स्थित पशु सेवा तालिम केन्द्रको कार्यालय परिसरमा रहेको आवास कोठाबाट सुनका विभिन्न गरगहना चोरीमा संलग्न दुईजनालाई प्रहरीले पक्राउ गरेको छ ।

कास्की प्रहरी र वडा प्रहरी कार्यालय रामबजारबाट खटिएको भदौं २५ गते हिजो दिउँसो १ बजेको समयमा भएको चोरीमा पोखरा–१२ बस्ने २२ वर्षीया शिवदेवी चौधरी र पोखरा–१०, बुद्धचोकमा रहेको मोवाईल पसल सञ्चालक २७ वर्षीय सुजन अधिकारीलाई प्रहरीले पक्राउ गरेको हो ।

सुन चोरी भएको घरमा काम गर्दै आईरहेकी चौधरीले प्रारम्भिक सोधपुछका क्रममा प्रहरीलाई सुनको गरगहना चोरी गरेको र मोवाइल पसलमा लुकाउन दिएको र खानतलासी गर्दा १६ तोला बराबरको गरगहना भेटिएको कास्की प्रहरीका प्रवक्ता डीएसपी श्रवण कुमार विकले जानकारी दिएका छन् ।

पक्राउ परेका दुवैजनालाई कास्की जिल्ला अदालतबाट चोरी तथा डाँका सम्बन्धी कसुरमा ६ दिनको म्याद थप गरी थप अनुसन्धान प्रकृया अगाडि बढाइएको छ ।