गोरखा, २९ फागुन । गोखरा नगरपालिका वडा नं. ६ बिसौनी मोडमा मिनी ट्रक र मोटरसाइकल एकापसमा ठोकिँदा दुईजनाको मृत्यु भएको छ भने ६ जना घाइते भएका छन् । दुर्घटनामा ट्रकचालक र मोटरसाइकलमा पछाडि सवार दुईजनाको मृत्यु भएको गण्डकी प्रदेश प्रहरी कार्यालय पोखराले जानकारी दिएको छ ।

बिसौनी मोडमा गोरखा–आँबुखैरेनी सडक खण्डमा बसपार्कबाट गोरखा बजार आउँदै गरेको प्र.३ ०१ ००३ क ६१७० नम्बरको मिनी ट्रक र बा ८६ प १७८६ नम्बरको मोटरसाइकल दिउँसो १ बजे एकापसमा ठक्किएर सडकदेखि २० मिटर तल खसेको थियो । तत्कालै प्रहरी टोलीले ८ जनाको उद्धार गरी उपचारका लाडि पठाइएकोमा दुईजनाको उपचारका क्रममा चितवन मेडिकल कलेजमा मृत्यु भएको प्रहरीले जानकारी दिएको छ । घाइते ६ जनाको अहिले सोही अस्पतालमा उपचार भईरहेको छ ।