पोखरा, । गण्डकी प्रदेश सरकारले पूर्णता पाएको छ । हिजो मंगलबार थप तीन मन्त्रीमा नियुक्त गरेसँगैं सात सदस्यीय मन्त्रिपरिषद्ले पूर्णता पाएको हो । हिजो नैं थप मन्त्रीहरुले पद तथा गोपनीयताको शपथ लिईसकेका छन् ।

नेकपा एमालेका तर्फबाट सांसदद्वय रोशन गाहामगर र वेदबहादुर गुरुङ तथा नेकपा माओवादी केन्द्रका सांसद रेशमबहादुर जुग्जाली मन्त्रीमा नियुक्त भएका हुन् । उनीहरुले प्रदेश प्रमुख पृथ्वीमान गुरुङसमक्ष पद तथा गोपनीयताको शपथ लिएका छन् ।

यसअघि नै माओवादीका हरिबहादुर चुमान, एमालेकी सीता कुमारी सुन्दास र राप्रपाका पञ्चराम गुरुङ मन्त्रीमा नियुक्त भइसकेका थिए । हिजो मंगलबार नै मन्त्रीहरुलाई मन्त्रालयको जिम्मेवारी पनि बाँडिएको छ । जसअनुसार हरिबहादुर चुमानलले भौतिक पूर्वाधार तथा यातायात व्यवस्था, सीता कुमारी सुन्दासले आर्थिक मामिला, पञ्चराम गुरुङले सामाजिक विकास, रोशन गाहाले आन्तरिक मामिला तथा कानुन, वेदबहादुर गुरुङले कृषि, ऊर्जा जलस्रोत र रेशमबहादुर जुग्जालीले उद्योग, पर्यटन, वन तथा वातावरण मन्त्रालयको जिम्मेवराी पाएका छन् ।